Skírnir - 01.04.2002, Blaðsíða 95

ÁRMANN JAKOBSSON
Uppreisn æskunnar
Unglingasagan um Flóres og Blankiflúr
1. Blóm
Flóres saga og Blankiflúr fjallar um blóm. Aðalpersónurnar
bera latnesk blómanöfn og eru gangandi tákn um blóm. Þau fæð-
ast á pálmasunnudag:
En pálmsunnudagr heitir blómapáskir á útlgndum, þvíat þá bera menn
blóm sér í hgndum. En blómi er flúr á vglsku, ok váru þau af því kallat
blómi. Hann var kallaðr Flóres, en hon Blankiflúr; þat þýðir svá, sem
hann héti blómi, en hon hvíta blóma; en konungr vildi því svá sinn son
kalla, at en kristna kona hafði sagt honum, af hverju kristnir menn heldu
þá hátíð. (6—7)1
Flóres saga og Blankiflúr er ástarsaga og nöfn elskendanna eru
táknræn. Hin yfirlýsta táknræna merking tengist Kristi sjálfum og
innreið hans í Jerúsalem. Blóm geta þó aldrei verið einrætt tákn
Krists heldur eiga þau sér ýmsar hliðar, eins og öll tákn. Þegar vís-
að er til Krists með blómum fylgja með í kaupunum náttúra og
fegurð. Blóm eru fögur og blóm eru náttúruleg. Þau hljóta um leið
að tákna lífið og gróðurmagn náttúrunnar. Þau tákna vöxt og
grósku og geta þannig vísað til æskunnar. Þau geta táknað gleði og
áhyggjuleysi sumarsins og vissulega er pálmasunnudagur fagnað-
ardagur enda vísa blómin til þess að Kristi var fagnað með pálma-
greinum á þeim degi.
1 Hér og héðan í frá er vitnað í þessa útgáfu sögunnar: Flóres saga ok Blankiflúr.
Eugen Kölbing gaf út. Halle 1896. (Altnordische Saga-bibliothek 5). Ný útgáfa
Helle Degnbol er í vinnslu á vegum Árnastofnunar í Kaupmannahöfn. Þessi
grein hefur verið í smíðum nokkra hríð. Ég vil þakka Ásdísi Egilsdóttur, Birnu
Bjarnadóttur, Helle Degnbol og ritstjórum Skírnis fyrir góðar athugasemdir en
allar túlkanir eru mínar og öll ábyrgð á missmíðum. Vísindasjóði þakka ég styrk
sem gerði mér kleift að ráðast í verkið.
Skírnir, 176. ár (vor 2002)