Tímarit Máls og menningar - 01.09.2017, Qupperneq 10

K r i s t í n Ó m a r s d ó t t i r
10 TMM 2017 · 3
En ekki í uppáhaldi – orð sem þú þolir ekki?
Ég þoli illa þegar menn nenna ekki að vanda mál sitt og sletta endalaust
erlendum orðum, einkum lélegri ensku og sjá ekki hvað það er hallærislegt.
Hvað gerir þig glaða?
Að sjá sólina úti núna. Og það gleður að vera með góðum vinum og fólkinu
mínu – mér finnst ég hafa svo margt að gleðjast yfir og verði ég döpur leita
ég uppi gleðiefnin og hressist.
Og hvað gerir þig dapra, Kristín?
Slæmar fréttir af fólki sem á ekki málungi matar og er svo drepið í þokka-
bót. Fals og undirlægjuháttur. Veðrið – jafnmikið og það gleður mig aðra
daga. Vanlíðan annarra, sársauki og erfiðleikar. Ég er áhrifagjörn og sveiflast
hratt með líðan vina minna.
Af hvernig hljóðum hrífst þú?
Þegar lítið barnabarn kallar amma og af náttúruhljóðum – ég bjó við
sjávarhljóðin á Seyðisfirði og á Akranesi varði beljandi sjávarniðurinn. Fugla-
hljóð kann ég að meta svo við minnumst ekki á söng. Tónlist færir mér kraft
og ró.
Hvaða hljóð þolirðu ekki?
Þegar nágranninn er að slá garðinn snemma um helgar með ónýtri sláttu-
vél.
Og hvaða annað starf myndirðu kjósa að vinna við?
Það hefði ábyggilega verið gaman að læra fatahönnun. Ég hef yndi af hand-
mennt og ég er hannyrðakona, prjóna mikið.
Alls ekki vilja vinna við?
Vil alls ekki vinna í frystihúsi. Ef ég var ekki að salta síld á Seyðisfirði
sem unglingur vann ég í frystihúsi og það var leiðinlegt – tímavinna þar var
hræðileg: tíminn stendur stjarfkyrr. Mér fannst gaman að salta síld enda var
það gert í akkorði.
***
Ertu gift? Hvað heitir maki þinn?
Já, ég er gift, maðurinn minn heitir Jón Hálfdanarson og er doktor í efna-
og eðlisfræði.
Áttu börn, hvað heita þau og viltu segja mér hvernig þau móta líf þitt?
Ég á þrjú börn. Steinn Arnar er fjörutíu og fjögurra ára, búsettur í