Gripla - 2019, Blaðsíða 58
GRIPLA58
var staðið – í ljósi ótímabærs andláts konungsins.35 Loks mælir Elise
Kleivane – með tilvísun til Rowe – með „etisk lesing“ Eiríks sǫgu víðfǫrla
í Flateyjarbók, og telur hún Jón Þórðarson hvetja til slíks skilnings í eft-
irmála sínum við söguna.36 Sverrir Jakobsson segir hins vegar, að Eiríks
saga víðfǫrla í Flateyjarbók sé „inngangur að safninu“, gefi „ytri ramma
utan um“ Noregskonungasöguna, sem sé „hin kristna heimsmynd“, án þess
þó að hann útlisti það nánar.37
Þessi hugmynd ólafs Halldórssonar og þeirra, sem fetuðu í fótspor
hans, er vissulega skemmtileg, en á henni eru þó miklir annmarkar. Þar
að auki ristir jafn almennt orðalag og „etisk lesing“ of grunnt og bendir
til þess, að dýpri merking Eiríks sǫgu víðfǫrla hafi ekki komist til skila og
ummæli Jóns Þórðarsonar í eftirmála sögunnar hafi ekki verið túlkuð með
viðhlítandi hætti. í eftirmála Eiríks sǫgu víðfǫrla er nefnilega ekki fyrst
og fremst vísað til ólafanna, kristniboðskonunganna beggja, sem gæfi
ástæðu til að ætla, að bókin hefði upphaflega átt að verða gjöf handa nafna
þeirra Hákonarsyni; Eiríks saga víðfǫrla og eftirmáli hennar hefur víðari
skírskotun en það. Lykilorðin í eftirmálanum eru orðin „ekki er traust trútt
nema af Guði“, enda er hnykkt á orðinu „traust“ í lýsingunni á þeim, sem
barist hafa fyrir frelsi heilagrar kristni; þeir eru ekki einvörðungu sagðir
hafa fengið meira lof en heiðingjarnir af hinum vitrustu mönnum, heldur
hljóti þeir „eilíft ríki með allsvaldanda Guði utan enda“, sem sé mest um
vert, eins og Eiríkr víðfǫrli. Með öðrum orðum: á sama hátt og Eiríks saga
víðfǫrla er saga leitarinnar að Paradís, er sérhver saga – Noregsveldissagan
Flateyjarbók eins og hver önnur saga – saga leitarinnar að Paradís, það
er saga hjálpræðisins. Eftirmálinn hnykkir á þessu; hann er áminning til
35 Elizabeth Ashman Rowe, „Cultural Paternity in the Flateyjarbók Ólafs [sic] saga
Tryggvasonar“, Sagas and the Norwegian Experience. Sagaene og Noreg. 10th International
Saga Conference, Trondheim, 3.–9. august 1997. Preprints (Trondheim: Senter for middel -
al derstudier, [1997]), 561–571; endurpr. í aukinni gerð Elizabeth Ashman Rowe, „Cultural
Paternity in the Flateyjarbók Óláfs saga Tryggvasonar“, Alvíssmál. Forschungen zur
mittelalterlichen Kultur Skandinaviens 8 (1998): 3–28; Elizabeth Ashman Rowe, „Origin
Legends and Foundation Myths in Flateyjarbók“, Old Norse Myths, Literature and Society.
Proceedings of the 11th International Saga Conference, 2–7 July 2000, University of Sydney,
ritstj. Geraldine Barnes og Margaret Clunies Ross (Sydney, Australia: Centre for Medieval
Studies, University of Sydney, 2000), 441–454, tilv. 452; Elizabeth Ashman Rowe, The
Development of Flateyjarbók, einkum 22–27, 54–61, 192–199, 257–264, 343–347.
36 Elise Kleivane, „Sagaene om Oddr og Eiríkr“, 43–45, tilv. 44; sbr. Elise Kleivane,
Reproduksjon av norrøne tekstar i seinmellomalderen, 219–221, 441–442.
37 Sverrir Jakobsson, „Austurvegsþjóðir og íslensk heimsmynd“, 93–94, tilv. 94.