Gripla - 2019, Blaðsíða 119
119
verið lögð við sjúklinga eða henni vafið um limi sem heila átti, en norska
blaðið „virðist hafa verið borið sem verndargripur, margbrotið saman“ eins
og Magnús Már Lárusson kemst að orði.33 Bæði eru blöðin fágætir vitn-
isburðir um skikk sem ætla má að hafi verið útbreiddur hérlendis á síðmið-
öldum (og síðar), að nýta guðsorð og ekki síður nöfn Guðs á efnislegan hátt
til lækninga og verndar.
Brynjubæn
Þótt gott gæti verið að bera á sér efnislegan grip, hlaðinn töframætti
orðanna, má þó ekki gera lítið úr krafti hins talaða orðs. Bæn sem farið
er með upphátt getur þjónað sem óefnisleg verja gegn óvininum líkt og
herklæði vernda í stríði. Á bl. 48v14–16 í aM 461 12mo má lesa: „Les þessa
bæn er eptir skrifud er huersdagliga þui hun er sett uid aullum skeytum
fiandans. hun heitir bryni“. Á eftir (49r1–50r5) fer bæn á latínu sem hefst
á ákalli til heilagrar þrenningar þar sem hún er beðin að vera brynja sálar
þess sem biður, frá hvirfli til ilja og að innan jafnt sem utan („esto lorica
anime mee a planta pedes usque ad verticem intus et fores“ 49r2–4). Þá
eru talin upp öll skilningarvitin sem brynjan á að vernda og síðan líkams-
hlutar. Næst er Drottinn beðinn að vernda mælanda á allar hliðar, í lofti,
á jörðu, í vatni og á sjó, í hvers kyns stöðu eða ástandi (svo sem gangandi,
sitjandi, þegjandi, talandi o.s.frv.), á öllum tímum alls staðar. í síðari hluta
bænarinnar er vikið að hættum í náttúrunni, bæði kvikindum (villidýrum,
vofum, ránfuglum, ferfætlingum og skriðdýrum) og náttúruhamförum
(eldi, hagli, þrumum og eldingum, jarðskjálftum o.s.frv.). Að síðustu er
vikið að vondum mönnum og hvers kyns ásóknum synda og djöfla áður en
bæninni lýkur með almennu ákalli til Drottins um vernd gegn öllu illu fyrir
dauðann, á dauðastundu og eftir dauðann.34 Af þessari upptalningu má sjá
að bænin á ýmislegt sammerkt með himnabréfinu en það sem er sérstakt
við brynjubænir er áhersla þeirra á líkamann.
Brynjubænir eru keltneskar að uppruna og til eru bænir af þessu tagi
bæði á írsku og latínu. Brynjan í 461 er hluti af lengri bæn sem kennd er við
heilagan Brendan (6. öld) þótt óvíst sé að hann sé upphafsmaður hennar.
33 Sama rit, 205.
34 Um fasta efnisþætti brynjubæna sjá Gearóid S. Mac Eoin, „Invocation of the Forces of
Nature in the Loricae,“ Studia Hibernica 2 (1962): 212–213.
Dý rLIngar og DagLEgt BrauÐ Í LangaDaL