Múlaþing: byggðasögurit Austurlands - 01.01.2012, Qupperneq 8

Múlaþing
Minningarorð
r
Sigurður Oskar Pálsson
f 27. desember 1930 - d. 26. apríl 2012
Um miðjan sjöunda áratuginn tóku nokkrir áhugamenn um austfirsk fræði og sögu sig
saman og hleyptu af stokkunum byggðasöguritinu Múlaþingi. Kom fyrsta heftið út
árið 1966 í ritstjóm Ármanns Halldórssonar. Einn af ritnefndarmönnum var Sigurður
Oskar Pálsson. Þar var ekki tjaldað til einnar nætur því hann sat í ritnefnd Múlaþings
nánast óslitið til ársins 2000.
I eldri heftum Múlaþings gætir alls staðar verka Sigurðar. Hann vann fjölmarga
heimildaþætti um austfirsk málefni og bjó frásagnir annarra höfunda til prentunar og
lagði þannig drjúgan skerf til varðveislu austfírskrar sögu. Reyndar náðu þau skrif
hans langt út fyrir síðurMúlaþings því oft birtust frásöguþættir eftirhann í jólablöðum
vikublaðsins Austra og í ýmsum tímaritum.
Sigurður var vel ritfær og hafði gott skopskyn. Hann var því oft fenginn til að setja
saman gamanmál, í Ijóð eða laust mál, til skemmtunar á mannamótum. Hann fékkst
einnig við alvarlegri ljóðagerð þó dult færi, gaf Félag ljóðaunnenda á Austurlandi út
ljóðabók hans „Austan um land“ árið 2001. Einnig hafa verið samin dægurlög við texta
Sigurðar. Sigurður lét flest þau málefni er tengdust Austurlandi sig máli skipta og lét
skoðanir sínar gjaman í ljós á prenti í þeim prentmiðlum sem út komu hér fyrir austan.
Sigurður var kennari að mennt og starfaði sem kennari og síðar skólastjóri í
heimabyggð sinni, á Borgarfirði eystra um árabil og síðar sem skólastjóri Barnaskólans
á Eiðum. Hann sinnti kennslustarfmu af mikilli alúð, naut farsældar í starfí og varð
nemendum sínum eftimiinnilegur.
Síðustu starfsárin gegndi hann starfí skjalavarðar hjá Héraðsskjalasafni Austfirðinga
og er hann minnisstæður þeim sem þangað lögðu leið sína fyrir þekkingu sína á aust-
firskri sögu og einstaka hjálpsemi við heimildaleit.
í þessu hefti Múlaþings er vel við hæfi að birtist efni eftir Sigurð heitinn sem rit-
stjórum Múlaþings var sent skömmu eftir andlát hans. Sendandinn var Sigríður dóttir
hans, sem lét þess getið að faðir hennar hefði verið búinn að segja að hann langaði til
að efni þetta, sem er æviminning um Sigurð Jónsson brúarsmið, birtist í ritinu. Ljúft
og skylt er að verða við þessari beiðni og í leiðinni þakka Sigurði Óskari Pálssyni
fyrir hans ómetanlega starf í þágu Múlaþings. Þó Sigurður sjái þær þakkir ekki sjálfur
á prenti treystum við því að æðri máttarvöld komi þeim til skila.
Ritstjórar
6