Múlaþing: byggðasögurit Austurlands - 01.01.2012, Blaðsíða 159

Ritfregn
Lokaorð höfundar eru þessi: „Stuðlun í íslenskum brag hefur reynst ótrúlega rökrétt og
sjálfri sér samkvæm um aldir, og skáldin hafa lengst af umgengist bragreglurnar eins og
helgan dóm, sem undir engum kringumstæðum mátti spilla eða sniðganga á nokkum hátt...
Svo mikið er víst að enn stuðla skáldin og leggja metnað í að stuðla rétt... Þessi þróun er
vissulega bæði sérkennileg og heillandi, og hér er því slegið fram að leitun muni vera á hlið-
stæðri menningarvarðveislu annars staðar í hinni stóru veröld. Þennan menningararf eigum
við íslendingar saman, og hann verður ekki svo auðveldlega frá okkur tekinn, svo fremi sem
við sjáum sóma okkar í að varðveita hann og skila honum óbrjáluðum til komandi kynslóða.“
(.Bls. 288)
Að sjálfsögðu ætti það að vera okkur íslendingum metnaðarmál að rækja og rækta þessa
„tólf alda tryggð". Það ætti líka að vera okkur Austfirðingum stoltarefni að hafa lagt þjóðinni
til slíkan fræðimann sem Ragnar Inga, því að á þessum vettvangi ber hann höfuð og herðar
yfir aðra. Það sannar umrædd bók, sem íslensku- og menningardeild Háskóla Islands mat
hæfa til vamar fyrir doktorsgráðu í íslenskum fræðum, 20. september 2010. Til hamingju
Ragnar Ingi! -
H.Hg.
Leiðrétting
Ritstjórum barst ábending frá lesanda um að í myndatexta, við mynd af brú yfir Jöklu sem
birtist í síðasta hefti Múlaþings (37) væri ekki rétt með farið. Brúin á myndinni er sögð vera
brúin hjá Klausturseli á Jökuldal en hið rétta er að myndin er af brúnni hjá Brú á Jökuldal.
Ljósmyndin var birt með grein Sigurðar Kristinssonar „Skyggnst að baki tímans tjalda“ og
er í eigu Guðríðar Magnúsdóttur.
157