Saga - 2019, Qupperneq 158

Í kjölfar sameiningar nokkurra safna undir hatt Borgarsögusafns
í ársbyrjun 2014 varð eitt meginmarkmið og viðfangsefni hins nýja
safns að efla Sjóminjasafnið enn frekar, meðal annars með gerð
nýrrar grunnsýningar. Strax var hafist handa við þá vinnu með því
að ræða efnistök og áhersluþætti hinnar nýju sýningar. Þá þurfti að
ákveða gerð eða karakter sýningarinnar og þar með Sjóminjasafnsins
með tilliti til annarra eininga Borgarsögusafns og annarra safna hér
á landi sem fjalla um sögu sjósóknar svo skörun við miðlun annarra
safna væri sem best.7 Við þá vinnu var meðal annars tekið mið af sýn -
ingarstefnu Borgarsögusafns Reykjavíkur, menningarstefnu borgar -
innar, safnastefnu á sviði þjóðminjavörslu og fleiri stefnumótandi
gögnum. Jafnframt var hugað að aðkomu fræðasamfélagsins og
stofnana og fyrirtækja sem hafa á einn eða annan hátt snertingu við
hið víðfeðma svið sem íslenskur sjávarútvegur er. Markmiðið var að
finna sýningunni sína réttu hillu og tryggja henni sérstöðu. Þannig
var stefna tekin fyrir sýningargerðina, markmið útfærð og ramminn
mótaður. Vinna við gerð hennar hófst af fullum þunga árið 2015. Þá
var farið í frekari útfærslu á hlutverki og markmiðum safnsins og
sýningarinnar, verk- og kostnaðaráætlun og greiningu á möguleg -
um markhópum. Sú vinna var dregin saman í stuttu máli með ein-
földum áherslupunktum sem urðu nokkurs konar forsend ur og
mark mið nýrrar grunnsýningar og unnið var með sem leiðar hnoðu:
• Sjávarútvegur er lykilatriði í sögu Íslands og hefur mótað
mannlíf og menningu okkar á margvíslegan hátt.
• Brýnt er að halda þeirri mikilvægu sögu til haga og miðla
henni markvisst.
• Sjóminjasafnið verður hornsteinn í miðlun sögu þessa geira
atvinnulífsins og menningar.
• Öflugt safn styrkir stöðu Granda og viðheldur sögu og sér-
kennum svæðisins.
anna dröfn og guðbrandur156
7 Það var ljóst að nýrri sýningu þurfti að marka ákveðinn sess innan Borgarsögu -
safns eins og áður er lýst, bæði hvað varðar efni og áherslur en safnið þurfti að
sama skapi að marka sér sérstöðu meðal íslenskra safna sem fjalla um sögu sjávar -
útvegs í landinu. Víða um land má finna byggðasöfn sem á einn eða annan máta
fjalla um þá sögu, s.s. Byggðasafnið á Ísafirði, Ósvör í Bolungarvík og Síldar -
minjasafnið á Siglufirði svo dæmi séu tekin. Því þótti mikilvægt að hin nýja
sýning skæri sig úr á vissan máta varðandi efnistök, efnissvið og áherslur og
eins varðandi miðlun.
Saga vor 2019 .qxp_Saga haust 2004 - NOTA 13.5.2019 17:22 Page 156