Saga - 2019, Qupperneq 163

hefur mótað samfélag okkar Íslendinga. Út frá því var unnið og víða
leitað sérfræðiþekkingar, svo sem hjá Hafrannsóknastofnun varð -
andi lífríki hafsins, háskólum og stofnunum sem sinna sjávarút-
vegsfræðum og hagsögufræðingum. Þá voru hönnuðirnir fljótir að
koma auga á ákveðin atriði sem lögð voru til grundvallar útliti sýn -
ingarinnar og yfirbragði. Með heimsóknum í íslensk útgerðarfyrir-
tæki þar sem þeim gafst færi á að kynnast starfseminni, eðli þeirra
og gerð, varð til sýn sem mótaði hönnun sýningarinnar. Ákveðið
stef eða útlit var sótt í nútímafiskvinnslu, svo sem með því að nota
flísar á veggi og fiskikör undir sýningargripi og er það vel við hæfi
í ljósi þess að safnið er í gamla BÚR-húsinu. Bæði efni og um gjörð
bera þess merki og væntum við þess að þetta tvennt myndi sterka
heild sem tryggi áhrifamikla upplifun gesta og aukinn al menn an
skilning á viðfangsefninu.
Vissulega má segja að orð Gunnars Karlssonar um stefnumót
muna og sögu eigi hér einnig við því safnkostur er grunnur alls
safnastarfs, sérkenni safna og styrkur þeirra. Á þessari sýningu skipa
safngripir sannarlega veglegan sess enda safnkostur Sjóminja safns -
ins fjölbreyttur en að sama skapi nokkuð sérhæfður. Mikil rannsókn-
arvinna fór fram innan safnsins á safnkostinum en einnig aukin
skráning og í sumum tilfellum forvörsluvinna og viðgerðir.9 Engu
að síður þurfti safnið einnig að leita fanga víðar, hjá einstaklingum,
fyrirtækjum og öðrum söfnum til að fullkomna sýningarkostinn.
Það er einn af styrkleikum íslensks safnastarfs að nokkuð góð heild-
aryfirsýn er yfir safnkost menningarminjasafna og söfn fús til sam-
starfs með samningum um millisafnalán á gripum. Annar heimilda-
flokkur var einnig fyrirferðarmikill í allri vinnunni við hina nýja
sýn ingu en það voru ljósmyndir. Viðfangsefnið fellur að stórum
hluta innan þess tíma sem kalla má tímabil ljósmyndunar og gríðar-
legt magn ljósmynda er að finna í safnkosti Ljósmyndasafns Reykja -
víkur. Mikil vinna var lögð í ljósmyndaleit, skráningu og rannsóknir
þar sem ljósmyndir eru fyrirferðarmiklar við miðlun sögunnar á
sýningunni enda er gildi ljósmynda við slíka miðlun óumdeilanlegt,
ekki síst til að gefa tilfinningu fyrir viðfangsefninu og tíðaranda.
Sama gildir um kvikmyndaefni en bæði var unnið með gömul
myndbrot, svo sem frá Kvikmyndasafni Íslands og úr safneign Ríkis -
sagan til sýnis 161
9 Samhliða því var safnkosti Sjóminjasafnsins komið fyrir í geymsluhúsnæði á
Árbæjarsafni en hann hafði áður verið hýstur í skemmu við Grandagarð við alls
ófullnægjandi aðstæður.
Saga vor 2019 .qxp_Saga haust 2004 - NOTA 13.5.2019 17:22 Page 161