Saga - 2019, Page 170

og sinnti oft stóru heimili ein yfir langan tíma. Reynt er að varpa
ljósi á það.
Þótt sögurnar séu fjölbreyttar þá er undirliggjandi sagan alltaf
um það hvernig Reykvíkingar hafa lengi og með ólíkum leiðum
dregið fisk úr sjó og með hugviti meðhöndlað og unnið hann til að
auka verðmæti og bæta geymsluþol svo hægt sé að flytja vöruna á
erlendan markað. Oft þó með misjöfnum árangri. Deilt hefur verið
um það hvernig, hvenær og hverjir mega veiða fiskinn og náttúran
hefur oft sett strik í reikninginn, tjón orðið og mannskaði. Með aukn -
um rannsóknum og fræðslu hefur verðmæti auðlindarinnar aukist
og umgengni við hana batnað. Blikur eru engu að síður á lofti og
eflaust hefði mátt ganga lengra í því á sýningunni að vekja athygli
á umhverfismálum sem verður aðalumræðuefni næstu áratuga.
Víða er þó fjallað um plastmengun í hafinu á sýningunni og nýleg
rannsókn um súrnun sjávar hefur mikið vægi í umfjöllun um haf-
rannsóknir. Óvissan er hins vegar slík að ekki var alltaf hægt að
fjalla um vandann með haldbærum hætti. Spennandi rannsóknir eru
í vinnslu en ljóst er að veita þarf enn frekari fjármunum í rannsóknir
á áhrifum mannsins á lífríkið í hafinu — okkar mikilvægustu auð -
lind.
Markmið þessarar sýningar er að fjalla á skýran og skilmerkileg-
an hátt um ákveðna þætti í sögu sjávarútvegsins, sýningunni er ætl -
að að lyfta Sjóminjasafninu á hærri faglegan sess og gera það að enn
áhugaverðari áfangastað. Henni er ætlað að treysta stöðu safnsins
sem fræðsluvettvangs og miðstöðvar sögu sjávarútvegs í Reykja vík.
anna dröfn og guðbrandur168
Saga vor 2019 .qxp_Saga haust 2004 - NOTA 13.5.2019 17:22 Page 168