Bibliotheca Arnamagnæana - 01.12.1957, Blaðsíða 242
240
vidgjetne også i den tida då i.-s. vart skrivne. Ved den fyrste opprekninga
av felagane til Por. og Styrm. i kap. 7 har vi då i M-t sameining av to
prinsipp, omsynet til bustad i landet og til rang. Men dessutan er ei rad
av sambandsfelagane busette nær, eller i alle fall ikkje langt frå sjøen.
Dette lyt ein setja i samband med det at O. etter tradisjonen hadde budd
nær sjøen og drivi sjømannsskap. Då O. budde nær sjøen, måtte og
grannegodane og erkefiendane hans, Styrm. og tor., gjera det same. At
også andre av sambandsfelagane bur nær sjøen, heng truleg saman med
Of.s trugsmål om at O. skal gjera overfall på gardane til desse hovdingane.
Hovdingane er valde slik for at Of. skal få bruk for eit av praktstykka
i overteljingsteknikken sin.
Valet av Gell. til å verta verfar for O. og den eine av utbrytarane har
då visstnok serleg to grunnar: Han er den frægaste innan sogelitteraturen
av alle desse hovdingane og ein av dei mest høgætta, slik at dotter hans
vert eit serskilt fint parti for helten, og han bur nær sjøen, slik at han kan
skremmast med strandhogg av sjøhelten O. Herm., som best let seg jam-
føra med Gell. i sogefrægd, bur inne i land og er ubrukande til verfar
alt difor.
Heile sogeplanen, som skal enda med uavkorta suksess for helten O.,
gjer at Gell., den tilkomande verfar hans, lyt vera ein fagnamann på
botnen av sitt hjarta. Det ville då høva dårleg å lata han vera den fyrste
og einaste til å svika dei medsamansvorne. Han treng ein kar med mindre
av moralske atterhald til å brøyta veg føre seg. Til det vel sogemannen
den av dei hine hovdingane som bur nærast og som Gell. difor kunna ha
kjent seg sterkast knytt til, Eg. på Borg, og let han få i arv sume av dei
karaktereigenskapane som vi kjenner att hjå ættfaren Egill Skallagrimsson,
djervleik og pengehækne.
Ein annan grunn til at sogemannen vel Eg., er kan henda skaldskaps-
tradisjonane i myramannaætta. Ved å gjera Eg. til den fyrste utbrytaren,
får sogemannen høve til å nytta det kunstgrepet at han let Of. bruka
skaldskap som eit hovudmiddel i overteljinga. På den måten vert sam-
stundes soga prydd med strofer.
Vi legg elles merke til at dei to andre hovdingane som er omfata av
Of.s trugsmål om overfall, ved sida av Gell. er dei mest sympatiske av
sambandsfelagane, og såleis dei som Gell. etter si natur i soga måtte ha
mest samhug med, når Eg. er frårekna. Dei hovdingane som ikkje er truga
av O. i Of.s framstelling, og som Gell. ikkje treng ha nokon medhug med,
er derimot dei verste skurkane.