Fréttablaðið - 09.04.2022, Qupperneq 38

Una Dögg Guðmundsdóttir
sælkeri og matarbloggari
elskar að baka kökur og
setja saman kræsingar fyrir
hvers kyns tilefni. Hún hefur
líka gaman af því að skapa
matarhefðir í tengslum við
árstíðir.
sjofn@frettabladid.is
Á páskunum býður hún fjölskyld­
unni í bröns með öllu tilheyrandi.
„Páskabröns er notaleg hefð sem ég
hef skapað fyrir fjölskylduna mína.
Eftir að fjölskyldan fór að stækka
fer fólk gjarnan að fara á mismun­
andi staði í páskakvöldmat og því
finnst mér upplagt að kalla saman
fjölskylduna í góðan hádegisverð
og eiga notalega stund saman,“
segir Una og býður hér lesendum
upp á uppskriftir að dýrðlegum
páskabröns fyrir alla fjölskylduna.
Kjúklingabaka
4 egg
2 msk. rjómi
Salt og pipar eftir smekk
1 tsk. paprikukrydd
200 g kjúklingur, eldaður og rifinn
niður (ég var með heilan kjúkling
í matinn kvöldið áður og notaði
afganginn af honum)
½ camembert ostur
100 g spínat
½ rauð paprika
150 g sveppir
10 kirsuberjatómatar
1 hvítlauksrif
Smá smjör til steikingar
Byrjið á að skera niður spínat,
sveppi, tómata, papriku og raspa
niður hvítlauksrif.
Steikið grænmetið á pönnu upp
úr smá smjöri og saltið og piprið
að vild.
Setjið kjúklinginn saman við
blönduna og hellið öllu í eldfast
form klætt bökunarpappír.
Hrærið saman eggin í skál með
smá rjóma og hellið yfir kjúkling­
inn og grænmetið í forminu. Skerið
camembert ostinn niður og leggið
ofan á blönduna, stráið papriku­
kryddi yfir og bakið í ofni við
180°C hita í um það bil 30 mínútur.
Takið bökuna úr ofninum og leyfið
henni aðeins að jafna sig áður en
bökunarpappírnum er lyft upp
úr forminu, eða berið hana fram á
bökunarpappírnum.
Avókadó Toast
4 avókadó
Gróft salt eftir smekk
4-6 egg (hrærð í eggjaköku)
3-4 tómatar
Brauð að eigin vali, í sneiðum
Byrjið á að setja eggin í skál
kryddið með salti og pipar eftir
smekk og pískið vel saman. Steikið
eggjablönduna á pönnu og búið til
eggjahræru. Skerið niður tómata
og avókadó í sneiðar. Ristið brauð­
sneiðar og leggið eggjahræru á
hverja brauðsneið, næst avókadó­
sneiðar og tómatsneiðar. Toppið
með smá grófu salti. Einnig er
huggulegt að skreyta með fín­
gerðum sneiðum af radísum.
Amerískar pönnukökur
1 bolli hveiti
1½ tsk. lyftiduft
¼ tsk. salt
1 bolli mjólk
1 egg
1 msk. brætt smjör
1 tsk. vanilludropar
Ofan á pönnukökurnar er gott að
nota banana, alls konar góð ber,
f lórsykur, smjör, súkkulaðismjör
og síróp, svo eitthvað sé nefnt.
Byrjið á því að setja saman hveiti,
lyftiduft og salt í skál og hrærið.
Bræðið smjörið og leyfið því aðeins
að kólna áður en þið bætið því
saman við hveitiblönduna ásamt
mjólkinni og eggjunum, hrærið
vel saman. Veljið ausu sem ykkur
finnst passa vel fyrir skammtinn
fyrir eina pönnuköku og steikið á
pönnu við miðlungshita, gott að
setja smá smjör á pönnuna svo að
deigið festist ekki við. Bakist þar til
báðar hliðar eru gullinbrúnar.
Morgunverðar-burritó
1 pk. tortilla-pönnukökur
1 dós salsasósa
½ dós baunir að eigin vali
Spínat eftir smekk
6-8 egg
Rjómaostur
Rifinn cheddar ostur
Byrjið á að því að píska saman
eggin í skál og útbúið eggjahræru á
pönnu. Gott að setja smá ólífuolíu
á pönnuna og krydda með salti og
pipar eftir smekk. Sigtið vatnið frá
baununum og skolið þær aðeins
með köldu vatni, bætið þeim á
pönnuna með eggjahrærunni og
hitið svolítið. Smyrjið tortill una
með rjómaosti og salsasósu og
stráið cheddarosti í miðjuna. Setjið
spínat í miðjuna eftir smekk, næst
er eggjahrærunni og baununum
raðað á tortilluna. Rúllið tortill­
unni upp, gott er að brjóta hana
eins og umslag til þess að inni­
haldið leki ekki úr. Eða stilla henni
fallega upp með lítilli klemmu á.
Klemmur er hægt að fá í verslun­
inni Søstrene Grene.
Djöflaterta með páskalegu
ívafi
150 g smjörlíki
1 bolli sykur
4 egg
2 bollar hveiti
1 tsk. lyftiduft
½ tsk. salt
1 tsk. matarsódi
2 tsk. vanilludropar
1 bolli mjólk
3 msk. bökunarkakó
Smjörkrem
250 g smjörlíki við stofuhita
300 g flórsykur
2 tsk. vanilludropar
Maltesers-kanínur til skreyt-
ingar eða fersk blóm, en passið að
pakka stönglunum inn í blómateip
eða plastfilmu, til þess að safinn
úr blómunum berist ekki í kökuna.
Byrjið á að hita ofninn í 180°C.
Blandið saman öllum þurrefnum
í skál og hrærið aðeins saman.
Bræðið smjörlíki og leyfið aðeins
að kólna. Setjið næst egg, mjólk,
vanilludropa og smjörlíki saman
við og hrærið vel. Upplagt er að
nota tvö hringlaga form fyrir
deigið. Smyrjið formin vel að
innan og hellið síðan deiginu
í formin. Bakið í um það bil 30
mínútur, gott ráð að stinga prjóni í
miðjuna til að kanna hvort kakan
er tilbúin eða ekki, þegar prjónn­
inn kemur þurr úr kökunni er hún
tilbúin. Leyfið botnunum að kólna
vel áður en kremið er sett á milli og
yfir kökuna.
Smjörkremið er einfalt að gera.
Byrjið á því að hræra saman smjör­
líki, f lórsykri og vanilludropum á
góðum hraða í hrærivélinni, því
lengur sem kremið er hrært því
hvítara verður það. Þegar kremið
er orðið þeytt, með fallegri áferð,
smyrjið þá kreminu á kökuna og
skreytið með páska kanínum úr
súkkulaði, lifandi blómum eða því
sem ykkur finnst eiga vel við.
Páskagott - döðlugott með
páskaívafi
500 g döðlur, smátt saxaðar
250 g smjör
5-6 bollar Rice Crispies
400 g hvítt súkkulaði
100 g popp
80 g Cadbury Mini egg
Byrjið á því að bræða saman
döðlur og smjör í potti þangar
til döðlurnar eru orðnar mjúkar.
Blandið Rice Crispies og poppi
saman við og setjið í form í frysti í
10 mínútur.
Bræðið súkkulaðið yfir vatns­
baði. Hellið yfir Rice Crispies
blönduna og setjið Cadbury­
eggin yfir og frystið í um það bil 30
mínútur. Skerið í bita og njótið. ■
Dýrðlegur páskabröns fyrir alla fjölskylduna
Una Dögg hefur skapað sína eigin
hefð fyrir fjölskylduna og býður upp
á páskabröns á páskadag.
Kjúklingabaka, hægt að nota afganga frá deginum áður. MYNDIR/AÐSENDAR
Lárperur á ristuðu brauði sem Una
Dögg gerir á einfaldan hátt.
Amerískar pönnukökur með berjum
eru í uppáhaldi hjá flestum.
Morgunverðar-burritó með osti og
spínatí, borið fram í tortilla.
Djöflaterta með páskaskrauti.
Döðlugott, flestum finnst nauðsyn-
legt að hafa eitthvað sætt með.
4 kynningarblað A L LT 9. apríl 2022 LAUGARDAGUR