Úrval - 01.09.1970, Blaðsíða 99

MAÐURINN SEM ÓGNAÐI ELDINGUNNI
97
smám saman fjarlægzt hvort annað
eftir því sem árin liðu. Hún hélt
áfram að vera smákaupmannsdóttir,
illa menntuð, næstum ólæs og ó-
skrifandi. Og henni var meinilla við
það, hversu miklum tíma Franklin
eyddi í opinber mál. Þar að auki
fyrirleit hún William.
Franklin var magnlaus gagnvart
öllum þessum erfiðu heimilisað-
stæðum. Debora hafði alið manni
sínum tvö börn. Sally Franklin var
ímynd móður sinnar. Þeim hafði
einnig fæðzt sonur, Francis Foiger
Franklin, en hann hafði dáið úr
bólusótt fjögurra ára gamall. Eftir
dauða hans gerði Debora William
lífið svo erfitt, að hann neyddist til
þess að flytjast burt af heimilinu.
Franklin elskaði Deboru að vísu,
en það var augsýnilegt, að William
var honum samt ástfólgnastur. Hann
hafði erft gáfur föður síns, og hon-
um var það sönn gleði að taka þátt
í öllum störfum hans. Þegar Frank-
lin lagði af stað í Englandsförina,
tók hann því William með sér.
í sex ár samfleytt unnu þeir sam-
an í Lundúnum. Þeir háðu baráttu
við Pennklíkuna fyrir dómstólunum
og öfluðu sér áhrifamikilla vina.
Böndin, sem tengdu föður og son,
styrktust nú ár frá ári, er þeir
máttu þola saman súrt og sætt.
Stundum báru þeir sigur úr býtum,
en stundum áttu þeir við mikla erf-
iðleika að etja. Þegar William játaði
það fyrir föður sínum, að hann væri
líka orðinn faðir óskilgetins sonar,
tók Franklin á sig fjárhagslega
byrði af framfærslu og menntun
drengsins. Eftir þetta víxlspor sitt
hófst William handa við störfin af
enn meira kappi en áður. Hann tók
að leggja stund á lögfræði og lauk
háskólaprófi í þeirri grein. Þeir
studdu báðir málstað nýlendunnar
leynt og ljóst og ráku mál hennar
gegn Pennklíkunni af hinu mesta
kappi. Og svo fór að lokum, að
Pennklíkan lét undan og samþykkti
að greiða gjöld af landareignum sín-
um í nýlendunni.
Þetta var stórkostlegur sigur, en
samt skyggði enn annar sigur
Franklins á hann. Var þar um að
ræða meistaralega samningasnilli af
hans háifu. Það var sem sé að mestu
fyrir áhrif Franklins, að William
var útnefndur Konunglegur land-
stjóri í New Jerseynýlendunni.
Nokkrum mánuðum síðar stóð
Franklin í dómshúsinu í Perth Am-
boy í New Jersey, er William lagði
hönd á biblíuna og sór að halda við
yfirráðum Georgs konungs 3. í hinni
konunglegu nýlendu New Jersey.
Þetta var stórt augnablik fyrir
Franklin. Áður en William hélt í
sendiför sína til Englands, hafði
hann mátt þola það að vera snið-
genginn og fyrirlitinn meðal heldra
fólksins í Fíladelfíu, vegna þess að
hann var óskilgetinn sonur konu af
lágum stigum. En nú virtist framtíð
hans örugg. Hann hafði snúið aftur
til Ameríku með unga eiginkonu,
Elizabeth Downes að nafni, og var
nú kominn í mikla virðingarstöðu,
er mundi gera hann að mjög valda-
miklum manni.
Franklin hóf aftur stjórnmála-
störf sín í Fíladelfíu, þegar þau
William og Elizabeth voru búin að
koma sér fyrir í landstjórabústaðn-
um í New Jersey. Franklin hafði