Goðasteinn - 01.09.1965, Page 101

En það sem hreif mig einna mest, var hin fagra, frjálsmannlega og
eðlilega kurteisa framkoma nemendanna. Við nánari kynni komst
ég að því, að á öllum skólastigum þar vestra er lögð hin mesta
áherzla á að þjálfa æskufólkið í því að vera góðir skólaþegnar og
beinlínis kenna því, hvernig það geti orðið að góðum og nýtum
þjóðfélagsborgurum. Sífelit er verið að rækta í hugum ncmendanna
tilfinningu fyrir því, sem rétt er og fagurt, og beinlínis ala upp í
þeim ættjarðarást og heilbrigðan, þjóðlegan metnað. Þctta er gert
með mörgum hætti. Hin mesta áhcrzla er lögð á að kenna hvers
kyns félagsfræði, sögu Bandaríkjanna, móðurmálið, þjóðlegar bók-
menntir, átthagafræði og landafræði. Sýndar eru kvikmyndir um
athafnalífið, sögu þjóðarinnar og náttúru landsins. Þjóðfánanum er
veittur margvíslegur sómi og litlir fánar hanga t. d. uppi í hverri
kennslustofu. Þá er þar einnig mynd af þjóðhöfðingja landsins
hverju sinni.
f sambandi við félagsfræðikennslu eru nemendur fræddir ræki-
lcga um stjórnarfyrirkomulag ríkisins. Skýrðar eru stefnur og bar-
áttumál stjórnmálaflokkanna. Ncmendur eru þjálfaðir i því að
taka þessi mál til meðferðar og ræða þau á þingræðislegan hátt,
kryfja þau til mergjar, taka afstöðu og jafnvel greiða atkvæði.
Lýðræðisfyrirkomulagið er mjög í heiðri haft, og því leitast skólinn
við að gera hinum ungu borgurum grein fyrir því, hvernig það
starfar í framkvæmd. En megináherzlan í félagsfræði, sem og í
öðrum námsgreinum, virtist mér vera lögð á það að kenna hinu
unga fólki að hugsa sjálfstætt, gera sér grein fyrir kjarna hvers
máls og taka síðan afstöðu til þess samkvæmt rökrænni hugsun og
heilbrigðri skynsemi. Hvergi í þessari kennslu virtist mér örla á
hleypidómum eða því, að nemendur eða kennarar væru á nokkurn
hátt háðir stefnum eins stjórnmálaflokks öðrum fremur. Höfuð-
markmiðið var að kenna æskufólkinu að taka afstöðu til einstakra
mála, mynda sér skoðanir og setja þær fram.
Þarna vestra varð ég hvarvetna var hins mikla áhuga, sem fólk
flest hafði á skólamálum og hversu vel það fylgdist með starfi skól-
anna og sýndi þeim skilning og velvild í hvívetna. Flestir skólar
starfa í ágætu húsnæði, og afar mikið er um ný eða nýleg skóla-
hús. Sérhver skóli hefur yfir að ráða ágætu bókasafni, þar sem nem-
Goðasteinn
99