Skírnir - 01.12.1917, Page 64

398
Þjóðfélag og þegn.
[Skfmií -
skattur af skuldlausri eign, þá er hún nær tilteknu'
marki, en með þeim undanþágum, er sérstök laga-
ákvæði setja þar um. Lágmark skattskyldra at-
vinnutekna sé fært upp eigi minna en svo, að
komi móts við meðaltal af launum opinberra em-
bættismanna.
Fari hundraðsgjaldið mjög hækkandi með•
vaxandi tekjum og eignum.
b. Að hækka ýms stig erfðafjárskatts, einkum á
stórum örfum.
c. Að leggja allhátt útflutningsgjald á síld, eða taka
einkarétt á verzlun hennar í landsins hendur (sbr.
neðanmálsgrein á bls. 388).
6. Sveita- bæja- og sýslufélögum sé með lögum ákvarð-
áðir skattstofnar, í samsvörun við skattaskipulag
landsins.
7. Við Háskóla íslands sé stofnaður kennarastóll í þjóð-
megunarfræði (Nationalökonomi).
*
* *
Eins og áður er sagt, eru þær tillögur, sem hér eru
bornar fram, þannig lagaðar, að þess er ekki að vænta,
að þær nái fram til sigurs í einu hendingskasti. Fyrst
og fremst brjóta þær svo bág við ýmsa ríkjandi hjátrú í
þjóðhagsmálefnum, að hugsunarháttur manna þarf að breyt-
ast, göfgast og hækka, til þess þeim vinnist alment fylgb
og þessvegna þarf þjóðin að sjá verkanir þessarar stefnu
hægt og hægt, en ekki með neinni allsherjarbyltingu. Með
því er von til, að hún læri að meta kosti hennar, og þess
grundvallar, sem hún byggist á, því eins og það er satt,
sem spakur maður heflr sagt, að »það eitt hefir varan-
legt gildi, sem er rétt«, eins eiga þær einar tillögur fram-
tíð fyrir höndum, sem ganga upp í samnefnara allra sannra
framfara, sem er réttlætið.
En þó langt kunni að vera í land, er tími til kominnr
að ákveða stefnuna og marka fyrstu sporin.
J. Gauti Pétursson.