Tímarit lögfræðinga - 01.12.2000, Page 3

Tímarit
löafræðinqa
4. hefti • 50. árgangur
desember 2000
Á 50 ÁRA AFMÆLI TÍMARITS LÖGFRÆÐINGA
Nú er lokið útkomu fimmtugasta árgangs Tímarits lögfræðinga. Árið 1951
hóf Lögmannafélag Islands útgáfu á Tímariti lögfræðinga en eftir að Lögfræð-
ingafélag íslands var stofnað var óskað eftir því að það tæki við útgáfu ritsins
og hefur félagið haft hana með höndum frá árinu 1960. Fyrsti ritstjóri Tímarits
lögfræðinga, 1951-1953, var Einar Amórsson og síðan hafa ritstýrt tímaritinu
Theodór Líndai 1954-1972, Þór Vilhjálmsson 1973-1983, Jónatan Þórmunds-
son 1984-1989, Friðgeir Björnsson og Steingrímur Gautur Kristjánsson 1990-
1993 og frá 1994 hefur Friðgeir einn verið ritstjóri. Ritið hefur á þessu tímabili
vaxið og dafnað undir stjóm hæfra ritstjóra og verið mikilvægur vettvangur
umræðna og fræðigreina um lögfræðileg málefni hér á landi. Það er sérstaklega
ánægjulegt að sá sem nú er ritstjóri merkir aukið framboð af efni í tímaritið sem
getur m.a. bent til aukins áhuga ungra lögfræðinga á ritun fræðigreina.
Allir árgangar tímaritsins frá upphafi hafa verið endurprentaðir þannig að
lögfræðingum og öðrum gefst kostur á að eignast heildarsafn ritsins og þær
sögulegu heimildir um lögfræði á íslandi sem þar er að finna. Auk fræðigreina
hefur ritið að geyma áhugaverða ritstjómarleiðara þar sem fjallað hefur verið
um viðkvæm og flókin álitaefni á sviði íslensks réttar, skoðanaskipti lögfræð-
inga um ýmis lögfræðileg efni og frásagnir af starfi á vettvangi íslenskra lög-
fræðinga undanfarin fimmtíu ár.
Starf frumkvöðla að stofnun Tímarits lögfræðinga og félaga lögfræðinga á
fyrri hluta 20. aldarinnar er ómetanlegt fyrir okkur sem í dag erum starfandi
lögfræðingar. Þeir öflugu einstaklingar sem stóðu á þessum tíma að stofnun
félaga lögfræðinga, mótun útgáfustarfsemi, reglubundnum fræðafundum og
málþingum og konru á samskiptum við félög lögfræðinga í öðrunr löndum eiga
þakkir skildar. Þeir hafa að verulegu leyti mótað þær hefðir sem við styðjumst
259