Tímarit lögfræðinga - 01.12.2000, Síða 15

Jónatan Þórmundsson Steingrímur Gautur Friðgeir Björnsson
ritstjóri 1984-1989. Kristjánsson ritstjóri ritstjóri frá 1990.
1990-1993.
deild, ritstjóri ásamt Theodór. Theodór lést í febrúar 1974 og varð Þór þá einn
ritstjóri. Síðasti árgangurinn sem hann ritstýrði var 1983. Frá og með árgangi
1984 tók Jónatan Þórmundsson prófessor við ritstjórninni. Síðasti árgangurinn
sem hann ritstýrði er frá 1989. Þá tóku við ritstjórninni Friðgeir Björnsson, þá
yfirborgardómari í Reykjavík og Steingrímur Gautur Kristjánsson borgardóm-
ari en þeir ritstýrðu tímaritinu sameiginlega til ársins 1993. Frá og með árgangi
1994 hefur Friðgeir ritstýrt tímaritinu einn.
A fyrstu árum tímaritsins var venja að skipa sérstaka ritnefnd. í henni áttu
sæti þrír menn, sbr. það sem fram kemur hér að framan. Þegar Theodór B. Lín-
dal varð ritstjóri tók sæti hans í ritnefndinni Benedikt Sigurjónsson, þáverandi
hæstaréttarlögmaður, en fyrir voru þar Ami Tryggvason hæstaréttardómari og
Olafur Lárusson prófessor. Eftir að Lögfræðingafélag íslands tók við útgáfunni
var nefndin lögð af og hefur ekki starfað sérstök ritnefnd frá og með XI. árgangi
1961.
4. TÍMARITIÐ OG EFNI ÞESS
Hér er að sjálfsögðu ekki unnt að gera ítarlega grein fyrir efni Tímarits lög-
fræðinga þau fimmtíu ár sem það hefur komið út. Segja má að vissu marki að
Einar Arnórsson hafi með forystugrein sinni í fyrsta tölublaðinu lagt grunninn
að efnistökum í blaðinu æ síðan. Einar skiptir mögulegu efni niður í þá fimm
efnisflokka sem fyrr em nefndir. Þegar tímaritinu er flett kemur í ljós að nota
má flokkun Einars að mestu sem grundvöll að skipulegri umfjöllun um efni
blaðsins í þau fimmtíu ár sem það hefur komið út. í þeim skilningi lagði Einar
þann grunn að efni ritsins sem byggt er á enn þann dag í dag. Einar nefnir ekki
sérstaklega leiðara sem hafa verið fastur liður í tímaritinu frá 1973. Ef þeir em
teknir með má skipta efni blaðsins í þessa flokka:
271