Tímarit lögfræðinga - 01.12.2000, Síða 17

Lögfræðingafélags íslands, hins vegar í tilefni af því
að lögfræðingafélagið tók við útgáfu tímaritsins.
Þegar þessum greinum sleppir voru engir leiðarar
skrifaðir í Tímarit lögfræðinga fyrr en í 1. hefti 1973
þegar Þór Vihjálmsson tók við ritstjóm þess (fyrst
um sinn ásamt Theodór B. Líndal, eins og áður seg-
ir). I þessum leiðara fer Þór nokkmm orðum um
tímaritið og málefni þess og ennfremur um lögfræð-
ingafélagið. Athyglisverð er sú áhersla sem hann
leggur á hlutverk lögfræðingafélagsins varðandi
hagsmunamál lögfræðingastéttarinnar en það var
mjög áberandi þáttur í starfsemi félagsins á þessum
árum.22
Frá og með 1. hefti 1973 og allt fram á þennan dag
hafa leiðarar verið fastur liður í öllum heftum tíma-
ritsins. Oftast hafa ritstjóramir skrifað þá. Lengst af
hafa leiðaramir verið birtir undir nafni ritstjóra á
hverjum tíma en hin síðari ár hefur sú venja myndast að setja ekki nafn ritstjóra
undir. Einnig er nokkuð algengt að aðrir hafi verið fengnir til þess að skrifa leið-
ara og birtast þeir nú orðið aðeins undir nafni ef einhverjir aðrir en ritstjórar
skrifa þá. Þannig hefur sú venja skapast að formaður lögmannafélagsins skrif-
ar leiðara með jöfnu millibili. Þá hafa aðrir skrifað slíka leiðara einkum vegna
beiðni ritstjóra og af sérstökum tilefnum. Nefna má að Kristjana Jónsdóttir, nú
héraðsdómari í Reykjavík, er fyrsta konan til að skrifa leiðara í Tímarit lögfræð-
inga en grein hennar er að finna í 1. hefti 1975 og er skrifuð í tilefni af kvenna-
ári og er þar fjallað um jafnréttismál.23
Efni leiðara er fjölbreytilegt. Margir þeirra varða málefni lögfræðingastéttar-
innar sjálfrar eða einstakra félaga lögfræðinga. Stundum eru bein hagsmunamál
lögfræðinga og eftir atvikum staða þeirra í samfélaginu meginefnið. Nýir dóm-
ar hafa stundum verið efni leiðaraskrifa og stundum ný löggjöf.
Ritstjórum sem skrifa leiðara er vissulega nokkur vandi á höndum við efnis-
val og efnistök. I lögfræðingastétt hafa menn ólík viðhorf til fræðigreinar sinn-
ar, stjórnmála og þjóðfélagsmálefna almennt. Þannig er að sjálfsögðu útilokað
að hugmyndir og hugleiðingar sem fram koma í leiðurum geti endurspeglað al-
menn viðhorf meðal lögfræðinga. Þeir hljóta því eðli málsins samkvæmt aðeins
að vera vitnisburður um viðhorf þeirra sem skrifa þá hverju sinni. Þetta ætti líka
að leiða til þess að ritstjórar bjóði í ríkara mæli öðrum til leiks og tryggi þar með
að ólík viðhorf fái rúm í leiðurum blaðsins.
Kristjana Jónsdóttir var
fyrst kvenna til að skrifa
leiðara í Tímarit
lögfrœðinga.
22 Sjá neðanmálsgrein nr. 16.
23 Kristjana Jónsdóttir: „í tilefni kvennaárs". Tímarit lögfræðinga. 1. hefti 1975, bls. 2-3.
273