Tímarit lögfræðinga - 01.12.2000, Síða 136

dómstóllinn, ráðherranefndin og aðildarríki Evrópuráðsins að standa að fullu
undir og fylgja að fullu eftir þeim skuldbindingum sem í sáttmálanum felast.
í tengslum við þau mál sem erfiðlega hefur gengið að fullnusta hefur komið
greinilega fram að Evrópuríki líta á það sem sameiginlega skyldu sína að
tryggja fulla virðingu við dóma mannréttindadómstólsins. Það sem meira er,
mikilvægi og sérstaða fullnustuþáttarins nýtur síaukinnar viðurkenningar sem
sést m.a. á því að hann var eitt meginþemað á ráðherraráðstefnu sem haldin var
í Róm 3.-4. nóvember s.l. í tilefni af 50 ára afmæli mannréttindasáttmálans. Sú
jákvæða þróun hefur einnig orðið að aðrar stofnanir en ráðherranefndin hafa
sýnt fullnustuþættinum bæði áhuga og stuðning. Ber þar sérstaklega að geta
Evrópuráðsþingsins sem hefur veitt ráðherranefndinni aðhald með eftirliti og
spurningum urn framgang erfiðra mála og jafnvel fordæmt ríki sem hafa ekki
gripið nægjanlega fljótt og vel til nauðsynlegra ráðstafana.
Vonandi mun sú aukna athygli og viðurkenning sem fullnustukerfi mannrétt-
indasáttmálans nýtur tryggja að dómar mannréttindadómstólsins verði áfram
virtir án undantekningar við hinar nýju aðstæður sem eru að skapast í Evrópu.
392