Íslenzk tunga - 01.01.1964, Blaðsíða 10
8
STEFÁN KARLSSON
Auðveldara er að bera saman við Steph. 58 (skr. 1658) og JS 12 fol.
(skr. 1667), því að Þórður skrifar sinn hluta þessara handrita með
léttiskrift, og leikur enginn vafi á því að höndin er ein og hin sama.
1.21. Fyrirsögn rímnanna í 610a er svohljóðandi: „Hier byriar
Rijmur af þeim Gamla forfpdur Eigle Skallagrijmssyne, hupriar Jön
Gudmundsson ortt hefur, þá Dátumm Skrifadest 1643.“ A hjálögð-
um miða segir Árni Magnússon: „Eigils Rimur Skallagrimssonar
ortar af Jone Gudmundzsyne i Russeyium.“ Russeyjar eru ugglaust
þær eyjar á Breiðafirði sem nú eru skrifaðar Rauðseyjar, en Árni
tilgreinir trúlega breiðfirzka framburðarmynd nafnsins. Framan-
greind ummæli verður að telja svo traust, að hvorki geti leikið vafi
á aldri rímnanna né höfundi.
1.22. Um Jón í Rauðseyjum er fátt vitað nema hvað honum eru
eignaðir nokkrir rímnaflokkar og önnur kvæði. Gísli Konráðsson
hefur skráð nokkrar sagnir af Jóni og rakið ættir frá honum og seg-
ir að hann sé talinn ættaður að norðan.4 Um aldur Jóns er ekki vitað
með neinni vissu, en Páll Eggert Ólason taldi hann fæddan „laust
eftir 1570“.5 Ef svo væri, hefði hann átt að vera kominn um sjötugt
þegar hann orti Egils rímur, en það er athyglisvert hve lítið kveður
að ellitali í Egils rímum, jafnalgengt yrkisefni og ellin er í man-
söngvum rímna. „Raular ver en rjúpan ein / rödd fyrir þessum
karli“ (í mansöng 5. rímu) er það eina sem fundið verður af því
tagi, en af öðru er reyndar ljóst að skáldið er ekki ungt, svo ekki
verður gert ráð fyrir því að Jón sé fæddur síðar en um 1600.
1.31. í mansöngvum Egils rímna kemur fram að skáldinu hefur
verið sett fyrir að yrkja rímurnar. Sá sem þetta gerir er auðugur og
ættstór og velgerðamaður skáldsins, „því upp hafa fæðzt á eignum
hans / öll mín hjú svo lengi“ (1. ríma). í lokum 40. rímu er nafn
hans falið, Eggert, og Jón Þorkelsson hefur bent á° að um sé að ræða
4 Söguþœttir eptir Gísla KonráSsson (Reykjavík 1915—1920), 154.—156. bls.
5 Menn og menntir siSskiptaaldarinnar á íslandi, IV (Reykjavík 1926), 698.
bls. — í íslenzkum œviskrám sama höfundar, III (Reykjavík 1950), 128. bls.,
stendur aðeins að Jón hafi verið uppi á „17. öld“.
0 Arkiv for nordisk jilologi, IV (1888), 280. bls.