Íslenzk tunga - 01.01.1964, Blaðsíða 147
TVÖ HANDRITSBROT
145
sama og X B. Hér veröur bent á nokkur sérkenni handarinnar og
um leið borið saman við A til þess að sýna muninn á A og B enn
frekar en gert var hér að framan:
1) ‘f’ og ‘y’ hafa hin sömu einkenni og hjá X B: aðalleggirnir eru
sveigðir til hægri neðst., og ‘y’ hefur að jafnaði punkt. Einnig má
benda á, að þverstrikin á ‘f’ eru ekki fasttengd aðalleggnum, heldur
laus frá honum.
2) Halinn á ‘g’ greinir X B skýrt frá X A. Hjá A hefst hann á
striki, sem stefnir lítið eitt til hægri niður úr belgnum, síðan er
nokkurn veginn bein lína til vinstri, og halinn endar svo í fínum
drætti upp til hægri. Hj á B tekur línan niður úr belgnum hins vegar
fyrst hægri sveigju, línan til vinstri er ekki bein, heldur er á henni
sveigja upp á við, og halinn endar því á striki niður á við. í XXXIII
er ‘g’ ritað á sama hátt.
3) Belgurinn á ‘h’ hefur óvenjulega gerð hjá X B (sbr. t. d. hs, her
22): hann er stundum laus frá aðalleggnum og nálgast að vera lóð-
réttur leggur, með lítilli vinstri sveigju að ofan, en hægri sveigju
neðan til, og nær neðri endinn langt niður fyrir línu. Hjá A er belg-
urinn hins vegar líkari því, sem hann er á öðrum belgstöfum, t. d.
‘b’ eða ‘þ’, nema hvað hann er vitaskuld opinn að neðan og nær
skammt niður fyrir línu (sbr. t. d. hlyðn[er], honum 7). í XXXIII
er ‘h’ eins og hjá X B (sbr. t. d. varþhalds 11).
4) Eitt aðalsérkenni X B er, að fíngerð lína er dregin upp til hægri
úr mörgum stöfum, einkanlega aðalleggjum, er ná upp fyrir línu
(sjá t. d. hafer allt raþ 17), en einnig öðrum (sjá t. d. -‘e’ í hende 17,
‘z’ í veriaz 18 og eí-bandið þar á eftir). í XXXIII er þessi lína sjald-
gæfari, en kemur þó fyrir (sjá t. d. ‘1’ í lavgar 17, ‘1’ og ‘e’ í láte 24 og
‘b’ í bréNa 24).
Á það má benda, að er-merkið hefur einnig Jjennan fíngerða
aukadrátt, bæði hjá X B (t. d. comner 17) og í XXXIII (t. d. yfer
10), en ekki hjá X A (sbr. t. d. vera 10).
5) Lykkjan undir sérhljóðatáknum hefur sömu óvenjulegu gerð
í XXXIII og hjá X B, sbr. t. d. lgttv 8, vgttvm 9.
ÍSLENZK TUNCA
10