Íslenzk tunga - 01.01.1964, Blaðsíða 9
STEFAN KARLSSON
Gömul hljóðdvöl í ungum rímum*
1.11. í hópi fjölmargra rímnaflokka frá 17. öld, sem ekki hafa enn
komizt á prent, eru Egils rímur Skallagrimssonar eftir Jón Guð-
mundsson í Rauðseyjum (Dalasýslu), og hefur þó munað mjóu að
þær glötuðust með öllu, því ekki er kunnugt um að þær séu varð-
veittar í opinberum söfnum nema í einu handriti, AM 610a 4to.
1.12. í 610a eru Egils rímur einar, fjeritíu talsins, en það hefur
áður verið hluti af stærra rímnahandriti1 sem Árni Magnússon hef-
ur eignazt 1709 frá Gísla Jónssyni í Máfahlíð (Snæfellsnessýslu),
en áður hafði átt það Magnús Björnsson á Bassastöðum í Stein-
grímsfirði (Strandasýslu).2
1.13. Sá sem hefur skrifað 610a er ekki nafngreindur, en hönd og
stafsetning ber með sér að um sé að ræða Þórð Jónsson að Strand-
seljum (og víðar í ísafjarðarsýslu). Þórður hefur m. a. skrifað hluta
af Kvæðabók úr Vigur (AM 148 8vo) 1677, og um hann er nokkuð
fjallað í inngangi Jóns Helgasonar að ljósprenti þeirrar bókar.3
Samanburður á 610a og hluta Þórðar í Kvæðabók úr Vigur er raun-
ar torveldur, þar eð fyrri bókin er skrifuð með léttiskrift, en á þeirri
síðari er bókaskrift; þó er svo, að boðar neðanmáls til upphafsorða
næstu síðu eru með léttiskrift, og þar eru likindin glögg við 610a.
* Fruradrög að þeirri rannsókn sem hér birtist voru lögð fram á æfingum hjá
Jóni prófessor Helgasyni við Kaupmannahafnarháskóla haustið 1961, þar sem
fjallað var um íslenzkt mál 17. aldar.
1 Katalog over Den arnamagnœanske h&ndskriftsamling, II (Kpbenhavn 1894),
14. bls.
2 Katalog, II, 24. bls.
3 íslenzk rit síðari alda gefin út af Hinu íslenzka fræðafélagi í Kaupmanna-
höfn. 2. flokkur. Ljósprentanir. 1. hindi B (Kaupmannahöfn 1955).