Morgunblaðið - 21.03.2000, Qupperneq 12

12 ÞRIÐJUDAGUR 21. MARS 2000
MORGUNBLAÐIÐ
FRÉTTIR
Biskup skrifar prestum vegna erfíðra mála í þjóðkirkjunni
Prestar geri föst-
una að bænatíma
BISKUP íslands, Karl Sigurbjöms-
son, sendi í síðustu viku öllum prest-
um landsins bréf „vegna þeirra erf-
iðu mála sem uppi hafa verið
varðandi samskipti presta og sókn-
arbarna“, eins og segir í bréfinu.
Hvetur hann til þess í niðurlagi
bréfsins að prestar geri föstuna að
bænatíma „er við biðjum hvert fyrir
öðru“ og hvetur þá til að biðja saman
fyrir kirkjunni.
Biskup kveðst harma þau marg-
víslegu tildrög sem að baki bréfinu
eru og segir það þyngra en tárum
taki að þurfa að taka stjómsýslu-
ákvarðanir sem leiði til brotthvarfs
presta af vettvangi eða tilflutnings í
starfi. „Það var mér mikil raun. En
hjá því varð ekki komist. í öllum til-
vikum er um mál að ræða sem hafa
verið uppi um lengri tíma og valdið
margvíslegum usla. Það varð ekki
umflúið að taka á þeim. Ég bið þig að
minnast þeirra sem hlut eiga að máli
í bænum þínum,“ segir biskup.
Minnt er á að prestur sé þjónn og
hirðir safnaðar og sé tiltrú og virðing
safnaðarins ekki fyrir hendi verði
presturinn óstarfhæfur og söfnuður-
inn sömuleiðis. Prestar séu þjónar
Krists, opnir fyrir þörfum fólks, sorg
og þrá og gæddir virðingu gagnvart
öðm fólki. Þá segir biskup orðið
embætti stórt og hátíðlegt. „Oft er
sem menn álíti það virki eða skans til
að verjast bak við. Nei. Frummerk-
ing orðsins er þjónusta. Það er af
sömu rót og orðið ambátt, þjónusta,
en ekki tignarstaða. Það er dýrmætt
að embætti, staða prestsins skuli
lögvarin, eins og annarra starfs-
manna. En ef sú vörn stendur safn-
aðarlífi, helgihaldi, fræðslu og þjón-
ustu kirkjunnar fyrir þrifum þá er
illt í efni.“
Þá kemur fram í bréfi biskups að
unnið sé að smíði leiðbeininga á
Biskupsstofu um hvemig tekið skuli
á samskiptamálum og erfiðleikum í
sóknum. Segir þar að sjálfstæð
kirkja verði að setja sér skýrar
vinnureglur og siðareglur í þessum
málum og hagsmunir prests og safn-
aðar fari saman.
Stjórn Prestafélagsins ályktar um
mál sóknarprestsins í Holti
Uni tilmælum
frá biskupi
STJÓRN Prestafélags íslands hefur
lagt tO við Gunnar Bjömsson, sókn-
arprest í Holti í Önundarfirði, að
hann uni áminningu biskups Islands
og hlíti þeim tilmælum sem biskup
hefur lagt fyrir hann.
Séra Gunnar vísaði málum sínum
til stéttarfélags síns, Prestafélagsins,
í framhaldi af þeitri ákvörðun bisk-
ups að hann skyldi fluttur til í starfi,
áminningu hans og tilmælum um að
hann bæði sóknarböm og samstarfs-
menn afsökunar. Hefur séra Gunnar
þegar afhent biskupi afsökunai--
beiðni sem hann hefur tekið gilda.
Séra Helga Soffía Konráðsdóttir,
formaður Prestafélagsins, sagði
stjórnina hafa fjallað um mál séra
Gunnars á fundi í gær og var áður-
greind ályktun þar samþykkt. Þar
segir einnig: „Ennfremur leggur
stjórn PI áherslu á að lögvarinn rétt-
m- prestsins, sem skipaðs opinbers
starfsmanns, sé virtur, sbr. lög um
réttindi og skyldur starfsmanna rík-
isins, nr. 70/1996, 36. gr. Jafnframt
bendir stjórn PÍ á nauðsyn þess að
skýrar reglur séu fyrir hendi svo
hægt sé að taka á ágreiningsmálum
sem upp geta komið.“
Akvörðun biskups var á þá leið að
hann skyldi flytjast frá Holti eigi síð-
ar en um næstu fardaga og sinna
ýmsum verkefnum í stöðu héraðs-
prests sem tengjast myndi Reykja-
víkurprófastsdæmi eystra.
Flugsam-
göngur
ganga
brösulega
FLUGSAMGÖNGUR hafa gengið
nokkuð brösulega síðustu þrjá
daga, samkvæmt upplýsingum frá
Flugfélagi Islands og Islandsflugi.
Flugfélag Islands hefur ekkert
flogið til Vestmannaeyja síðustu tvo
daga og þá hefur flug til Grænlands
legið niðri frá því á föstudaginn.
Hjá íslandsflugi var hins vegar
flogið tvisvar til Eyja á sunnudag-
inn og í gær var flogið þangað allt
þar til seinnipart dags, er flugi var
aflýst vegna veðurs.
Samkvæmt upplýsingum frá
Flugstjórn Reykjavíkurflugvallar
hefur utanlandsflug hins vegar
gengið vel.
Allir helstu vegir færir
Hjá Vegagerðinni bárust þær
upplýsingar að færð á landinu hefði
Flugfarþegar á Reykjavíkurflugvelli bíða eftir flugi.
Morgunblaðið/Kristinn
verið góð síðustu tvo daga og allir
helstu vegir færir. Það væri einna
helst á suðvesturhominu, sem
færðin hefði verið slæm vegna mik-
illar ofankomu. Rekja hefur mátt
nokkra smáárekstra til færðarinn-
ar, en að sögn lögreglunnar í
Reykjavfk hefur umferð að öðru
Ieyti gengið stóráfallalaust.
Kynna nýj-
an sauðfjár-
samning
LANDBÚNAÐARRÁÐUNEYTIÐ
og Bændasamtök Islands halda um
þessar mundir 20 fundi með bænd-
um víðs vegar um landið til að kynna
nýgerðan samning um sauðfjárfram-
Ieiðsluna.
Fyi'sti fundurinn var haldinn síð-
astliðinn sunnudag. í dag verða
haldnir fimm fundir, í Hótel Borgar-
nesi, í Breiðabliki á Snæfellsnesi,
Vogalandi í Reykhólasveit, Félags-
heimilinu á Blönduósi og Miðgarði í
Skagafirði. Fundað verður áfram en
fundaferðinni lýkur 27. mars.
I kjölfar kynningarfundanna fer
fram atkvæðagreiðsla um samning-
inn meðal sauðfjárbænda. Hún fer
þannig framað félagsmenn í Bænda-
samtökum Islands sem standa að
búrekstri með að minnsta kosti 50
kindur á fóðrum fá sendan í pósti at-
kvæðaseðil sem þeir síðan endur-
senda til Bændasamtaka íslands.
Um er að ræða liðlega 2.500 bændur.
Gert er ráð fyrir að atkvæðagreiðsl-
unni ljúki fyrir miðan apríl.
Talsmenn Herjólfs, Baldurs, Sæfara og Sævars bregðast við gagnrýni í úttekt
Unnið að úrbót-
um í öryggismál-
um skipanna
TALSMENN þeirra aðila sem reka
ferjurnar Heijólf, Baldur, Sæfara og
Sævar segja allir að verið sé að vinna
að úrbótum á flestum þeim atriðum
sem gagnrýnd voru í úttekt starfs-
mannahóps á björgunar- og öryggis-
málum ferjanna og kynnt voru á
fundi samgönguráðherra í síðustu
viku. Þau atriði sem orka tvímælis í
úttektinni eru á hinn bóginn til frek-
ari skoðunar. Talsmenn Sæfara og
Sævars segja til að mynda að út-
tektaraðilar hafi gert athugasemdir
við atriði sem ekki þurfi að uppfylla í
smærri ferjum samkvæmt gildandi
reglum um björgunar- og öryggis-
mál og þá segjast þeir ekki skilja að
fullu aðrar athugasemdir úttektar-
manna.
I stuttu máli kom fram í úttektinni
að áhafnir skipanna væru ekki nógu
vel þjálfaðar í viðbrögðum á neyðar-
stundu en í Sæfara og Sævari þótti
viðhaldi öryggisbúnaðar auk þess
áfátt svo dæmi séu nefnd. Þijú skip-
anna eru í eigu ríkisins en Hríseyjar-
hreppi var á sínum tíma falið að sjá
um rekstur Sævars og er hann nú
auk þess eigandi skipsins.
Magnús Jónasson framkvæmda-
stjóri Herjólfs hf. sem rekur Herjólf
segir að þær athugasemdir sem
gerðar voru um öryggis- og björgun-
arbúnað skipsins í úttektinni hafi
ekki komið á óvart, til að mynda hafi
verið vitað að farþegar sem ekki
væru í sjónvarpssal færu á mis við
upplýsingar um björgunarbúnað á
kynningarmyndbandi. Segir hann
ekki ólíklegt að úr þessu verði bætt
með útgáfu kynningarbæklings sem
dreift yrði um skipið. Einnig segir
hann að auðveldlega megi bæta það
atriði sem gagnrýnt hefur verið að
farþegar hafi um tíma verið skildir
einir eftir á þilfari á neyðarstundu.
Slíkt megi bæta með einfaldri skipu-
lagsbreytingu.
Ekki sáttir við úttektina
Guðmundur Lárusson fram-
kvæmdastjóri Breiðafjarðarferjunn-
ar Baldurs hf. sem rekur feijuna
Baldur virðist í samtali við Morgun-
blaðið ekki vera fullkomlega sáttur
við umrædda úttekt. Hann segir til
að mynda að við æfinguna - eldur um
borð - hafi eina forskriftin að eldin-
um verið að hann hefði komið upp í
geymslu ú bflaþilfari skipsins. Engin
fyrirmæli hafi verið um það hvernig
eldurinn hagaði sér og af þeim sök-
um hafi verið erfitt að bregðast við
honum. Þá segir Guðmundur að við
æfingu á neyðarástandi hafi áhöfnin
farið eftir tilsettum verklagsreglum
og því sé ekkert út á áhöfnina að
setja heldur fremur út á verklags-
reglurnar sjálfar, en þær séu settar
samkvæmt ákveðnum öryggisstöðl-
um. Guðmundur tekur fram að vissu-
lega hafi komið fram atriði í úttekt-
inni sem betur mættu fara, til að
mynda það að illa heyrðist í öryggis-
kynningarmyndbandinu ■ í sjónvarp-
inu en bendir þó á að skipið hafi hing-
að til komist í _ gegnum eftirlit
Siglingastofnunar íslands sem fram-
kvæmt er einu sinni á ári.
Pétur Bolli Jóhannesson, sveitar-
stjóri Hríseyjarhrepps, segir ástæð-
ur þess að ferjan Sævar hafi ekki
komið betur út í úttektinni marg-
þættar. Bendir hann til að mynda á
að rekstraraðilar Sævars hafi verið á
milli vita í öryggismálum ferjunnar
lengi vel því gert hafi verið ráð fyrir
nýrri ferju á síðasta ári. „Þess vegna
vorum við ekki á verði í öryggismál-
um á Sævari," segir hann og bendir á
að öllum öryggismálum sé fullnægt í
nýju feijunni en von er á henni í júní
nk.
Ekkert innra eftirlit
Um það að þjálfun áhafnar hafi
verið ábótavant segir Pétur Bolli að
ríkisvaldið eigi einnig að koma að
þeim málum. „Ríkisvaldið verður
náttúrulega einnig að koma að slík-
um málum. Það þurfa að vera reglur
um það hvenær á að senda áhafnir á
námskeið og hvenær ekki,“ segir
hann. Aðspurður segir hann að ekk-
ert innra eftirlit sé haft í skipinu, eins
og krafist er af útgerðum Herjólfs og
Baldurs, enda hafi Vegagerðin ekki
farið fram á það þegar hreppurinn
tók við skipinu. Pétur Bolli bendir á
að skipið hafi þó farið einu sinni á ári
í slipp og björgunarbátarnir í árlega
skoðun en að öðru leyti hafi ekki ver-
ið gerðar ki-öfur um eftirlit með ör-
yggis- og björgunarmálum skipsins
að því er hann best viti.
Flutningamiðstöð Norðurlands,
sem er í eigu Samskipa, rekur ferj-
una Sæfara sem siglir til Hríseyjar
og Grímseyjar. Kristján Ólafsson yf-
irmaður skiparekstrardeildai- Sam-
skipa segir að þegar hafi verið hafist
handa við að bregðast við ýmsum
þeim athugasemdum sem gerðar
voru á björgunar- og öryggismálum í
úttektinni, en tekur þó fram að
margt sé óljóst, að hans mati, í niður-
stöðu úttektarhópsins. Af þeim sök-
um sé beðið eftir nánari útskýring-
um frá Siglingastofnun íslands. Til
að mynda segist hann ekki vita með
vissu hvað úttektarhópurinn á við
þegar hann segir að viðbrögð áhafn-
ar hafi verið mjög óörugg og fálm-
kennd á neyðarstundu og að við-
brögð hennar hafi ekki verið í
samræmi við áætlaðar aðgerðir. Þá
segist hann ekki vita til þess að
smærri skip á borð við Sæfara þurfi,
samkvæmt reglugerðum, að bjóða
farþegum upp á kynningu á meðferð
og staðsetningu björgunar- og ör-
yggisbúnaðar. Ki-istján segist því
ekki vilja tjá sig að öðru leyti um út-
tektina fyrr en nánari útskýringar á
henni liggi fyrir frá Siglingastofnun
Islands.