Morgunblaðið - 03.05.2000, Blaðsíða 4

4 MIÐVIKUDAGUR 3. MAÍ 2000
MORGUNBLAÐIÐ
FRÉTTIR
Borgarstjóri fer fyrir sendinefnd sem heimsækir Seattle í Bandaríkj unum
Arangursrík og ánægju-
leg ferð í alla staði
INGIBJÖRG Sólrún Gísladóttir,
borgarstjóri í Reykjavík, segir að
ferð sín til Seattle í Bandaríkjunum
hafí gengið mjög vel og verið árang-
ursrík og ánægjuleg í alla staði.
Borgarstjóri fer fyrir sendinefnd
skipaðri fulltrúum frá Reykjavíkur-
borg, Landafundanefnd og íslensk-
um fyrirtækjum á sviði sjávarút-
vegs, hátaekni, fjarskipta og
samgangna.
Ingibjörg Sólrún sagði að dag-
skrá heimsóknarinnar hefði verið
þétt skipulögð. Þau væru búin að
hitta fulltrúa fyrirtækja og borgar-
yfírvöld að máli, auk þess sem skól-
ar og fyrirtæki hefðu verið heim-
sótt. Meðal annars hefðu þau setið
reglulegan borgarstjórnarfund í
Seattle, auk þess sem fundað hefði
verið sérstaklega um skipulagsmál.
Það málefni væri í brennidepli í
Seattle, en borgin hefði vaxið mjög
ört líkt og Reykjavík og mönnum
þar væri mjög umhugað um það líkt
og okkur Islendingum að ganga
ekki of nærri náttúrunni og um-
hverfinu. Þannig væri verið að
reyna að taka á mikilli notkun
einkabflsins með því að skipuleggja
almenningssamgöngur í auknum
mæli í borginni.
Islenska sendinefndin hélt sér-
staka móttöku á Sheraton hótelinu í
Seattle á mánudag og sagði Ingi-
björg Sólrún að mikil ánægja væri
með þá móttöku, en þar hefðu mætt
um 200 manns og komist á góð sam-
bönd við fyrirtæki og opinbera aðila
á þessu svæði. Þeim finnist því að
þessi útrás til Seattle hafí heppnast
vel. Samfélagið þarna væri mjög
öflugt, mikiJ gróska í atvinnulífi og
eftir miklu að slægjast hvað varðaði
bæði ferðaþjónustu og samskipti við
öflug fyrirtæki eins og Boeing og
Microsoft sem hefðu höfuðstöðvar
Reuters
Ingibjörg Sólrún Gísladóttir borgarstjóri ræðir við Borge Boeskov, framkvæmdasljóra hjá Boeing, í móttöku á
Sheraton-hótelinu á mánudag, en hann er af íslenskum ættum.
sínar þar, auk þess sem útgerð væri
öflug í Seattle og þar væri önnur
stærsta vöruflutningahöfn í Banda-
ríkjunum.
„Það hefur verið mjög ánægju-
legt að koma hérna og ná þessum
tengslum bæði við fyrirtæki og yfír-
völd hér í Seattle vegna þess að
okkur finnst að hér séu sóknarfæri.
Það skiptir miklu máli að hafa þessi
persónulegu sambönd. Þau hefur
vantað, því þó Reykjavík og Seattle
hafi verið vinaborgir frá árinu 1986
hafa samskiptin verið lítil sem eng-
in til þessa,“ sagði Ingibjörg Sólrún.
Hátíðahöld vegna
sumardagsins fyrsta
Hún sagði að talsvert mikið væri
um fólk af íslensku bergi brotið í
Seattle og þar væri virkt íslend-
ingafélag. Mikilvægt væri að halda
sambandi við þetta fólk og rækta
samskipti við það. Hún hefði til
dæmis verið viðstödd hátíðahöld
vegna sumardagsins fyrsta á
sunnudaginn var, sem Islendingafé-
lagið hefði staðið fyrir, en það héldi
þessum sið og þar hefði meðal ann-
ars verið sýndur leikþáttur um
Ferðir Guðríðar. Þar hefði hún hitt
margt af því fólki sem væri af ís-
lenskum ættum á þessu svæði.
Sambioin
Samið við
nýjan stór-
mynda-
framleið-
anda
ARNI Samúelsson, forstjóri
Sambíóanna, hefur gert samn-
ing til þriggja ára við kvik-
myndafyrirtækið Hyde Park
Entertainment um sýningarrétt
á myndum, sem fyrirtælrið
di'eifir.
Arni sagði í samtali við Morg-
unblaðið gær að hann hefði náð
samningi um sýningarrétt á
myndum fyrirtælrisins á fund-
um í Los Angeles í Bandaríkj-
unum í síðustu vilcu.
„Þetta er stórt fyrirtæki, sem
var verið að stofna hér úti,“
sagði Árni. „Menn eru búnir að
komast að þeirri niðurstöðu að
það borgar sig ekki að gera mik-
ið af þessum svokölluðu litlu
myndum og vilja frekar hafa
þær stórar og framleiða færri.
Þetta fyrirtælri er að fara út í
það að semja við stóru fyrirtæk-
in um dreifingu sinna mynda í
Bandaríkjunum, en semja sjálf-
ir um dreifingu í Evrópu og ann-
ars staöar utan Bandaríkjanna."
10 myndir í framleiðslu
Ashok Amritraj og David
Hoberman, sem áður var yfir-
maður Touchstone hjá Walt
Disney, stofnuðu Hyde Park
fyrir átta mánuðum og eru þeg-
ar komnir með tíu myndir, sem
frumsýndar verða á næsta ári, í
framleiðslu. Ein þeirra er
myndin „Útlagar“ með Bruce
Willis og Billy Bob Thomton í
leikstjóm Barrys Levinsons.
Greint var frá því í blaðinu
Variety í liðinni viku að Hyde
Park hefði undanfama mánuði
einnig gert dreifingarsamninga
við mörg lyrirtælri.
14 ár síðan fyrsta hjartaaðgerðin var gerð hér á landi
Var aldrei smeykur
við að vera sá fyrsti
LANDSSAMTÖK hjarta-
sjúklinga hefja á morgun
merkjasölu undir kjörorð-
inu „Efium endurhæfingu -
tökum á, tækin vantar“.
Merkjasalan stendur í þrjá
daga og verður ágóðanum
einkum varið til að styrkja
endurhæfingarstöðvar um
allt land.
I gær héldu landssam-
tökin átaksfund vegna
merkjasölunnar og meðal
þeirra sem ávörpuðu fund-
inn var Valgeir G. Vil-
hjálmsson, fyrsti sjúkling-
urinn sem gekkst undir
hjartaaðgerð hér á landi.
Aðgerðin var gerð í júní
árið 1986, þegar Valgeir
var 62 ára gamall. Nú,
fjórtán árum síðar, er hann
enn við góða heilsu, býr ná-
lægt Vatnsenda og gengur
daglega um hálftíma leið í
Breiðholtslaugina, þar sem
hann syndir nokkur hundr-
uð metra áður en hann
gengur aftur heim. Auk
þess spilar hann brids
tvisvar í viku með félögum
sínum. Hann segir að eftir
aðgerðina geti hann
skammast yfir vondum
spilum án þess að fá fyrir hjartað!
Valgeir var lagður inn á Borg-
Morgunblaðið/Golli
Valgeir G. Vilhjálmsson, fyrsti sjúklingurinn
sem gekkst undir hjartaaðgerð hér á landi,
ásamt konu sinni, Önnu D. Magnúsdóttur.
arspitalann með kransæðastíflu i
upphafi árs 1986 og kom í fljót-
lega í ljós að hann þyrfti að
gangast undir opna hjarta-
aðgerð.
„Mér var sagt að von
væri á nýjum tækjum hing-
að og ég var spurður hvort
ég vildi vera sá fyrsti til að
fara í slíka aðgerð hér,“
segir Valgeir. Hann segist
aldrei hafa verið smeykur
við að vera sá fyrsti, enda
hafi hann treyst læknum
sínum mjög vel. Hann hafi
hugsað með sér að þeir
hlytu að vanda sig með
fyrstu aðgerðina, en segir
að hann og læknar hans
hafi oft hlegið að þeirri
hugmynd hans síðan.
Valgeir segist hafa verið
nokkuð fljótur að ná sér
eftir aðgerðina á sinum
tíma. Spá Þórarins Arnórs-
sonar, læknisins sem skar
hann upp, um að hann yrði
farinn að ganga á fjöll mán-
uði eftir aðgerðina hafi í
það minnsta ræst, því hann
hafi farið í fjallgöngu í lok
júlímánaðar sama sumar.
Við athöfnina í gær af-
henti Valgeir fyrstu merkin
hjartalæknunum Herði Al-
freðssyni og Þórarni Arn-
órssyni, en þeir gerðu aðgerðina á
honum fyrir 14 árum.
Övissuferðir vin-
sælar eftir sam-
ræmdu prófín
SAMRÆMDUM prófum í 10. bekk
lýkur í dag og af því tilefni hafa
skólar og foreldrafélög í vaxandi
mæli boðið unglingum í 10. bekk
upp á skipulögð ferðalög til að
fagna þessum tímamótum í lífi
þeirra.
Undanfarin ár hefur borið nokk-
uð á því að nemendur haldi í mið-
bæinn eða í Kringluna til að hittast
og hanga eftir að samræmdu próf-
unum lýkur og oft hefur neysla
áfengis fylgt með í kjölfarið. Til
þess að bregðast við þessum vanda
er nú krökkum í allmörgum skólum
boðið í svokallaðar óvissuferðir
strax að loknum prófum, og hefur
það færst nokkuð í vöxt undanfarin
ár.
Loftui’ Magnússon, skólastjóri
Setbergsskóla í Hafnarfirði, segir
að foreldrafélag skólans standi fyrir
óvissuferð og að farið verði af stað
eftir hádegi í dag. „Og ég veit ekki
annað en að það sé mikill spenning-
ur hjá krökkunum að fara með.
Málin voru komin
útí algjöra vitleysu
Eg var einmitt á fundi með
skólastjórum þriggja annarra skóla
og það verður farið í ferðalög í
þeim öllum. Einn skóli er reyndar
með vorferðina á þessum tíma, en
það eru foreldrafélögin í hinum
skólunum sem standa fyrir dags-
ferðum. Þetta er nauðsynlegt, enda
voru þessi mál komin út í algera
vitleysu."
Haraldur Finnsson, skólastjóri
Réttarholtsskóla, segist mjög oft
hafa lagt til við foreldra sinna nem-
enda að próflokin væru sérlega gott
tilefni til að bjóða börnunum út að
borða. Skólinn býður síðan nem-
endunum í ferðalag daginn eftir síð-
asta próf, sem er vorferðalag á veg-
um skólans. Foreldrafélag skólans
hefur staðið íyrir foreldrarölti í vet-
ur og hefur verið með auka viðbún-
að um kvöldið að loknum prófum.
Foreldrar haldi upp á
tímamótin með börnunum
„En ég mæli mest með því að
foreldrarnir haldi upp á þessi
vatnaskil með börnunum sínum,
mér finnst að krakkarnir eigi það
skilið."
Af hálfu lögreglunnar í Reykja-
vík verður viðbúnaður vegna próf-
lokanna, ekki eingöngu síðasta
prófdaginn heldur einnig um
næstu helgi. Að sögn lögreglunnar
verður unglingadrykkja ekki liðin í
umdæminu og öllu áfengi hellt nið-
ur sem finnst á unglingum. Verði
unglingar uppvísir að drykkju á al-
mannafæri verða forráðamenn
þeirra látnir vita og þeir beðnir
um að sækja börn sín á lögreglu-
stöð.