Morgunblaðið - 03.05.2000, Blaðsíða 88

Heimav'órn
S Sími: 580 7000
Drogum næst
10. mai
HAPPDRÆTTI
HÁSKÓLA ÍSLANDS
vænlegast til vinnings
MORGUNBLAÐIÐ, KRINGLUSNI1,103 REYKJAVÍK, SÍMl 5691100, SÍMBRÉF5691181, PÓSTHÓLF3040,
ÁSKRIFT-AFGREIÐSLA 5691122, NETFANG: BITSTJ@MBL.JS, AKUREYRI: KA UPVANGSSTRÆffl 1
MIÐVIKUDAGUR 3. MAÍ 2000
VERÐ í LAUSASÖLU 150 KR. MEÐ VSK.
Halldór Ásgrímsson ræðir við Madeleine Albright og Strobe Talbott
Viðræður um bókunina
frá 1996 framundan
Washington. Morgunblaðið.
Morgunblaðið/Ásdís
Halldór Ásgrímsson og Madeleine Albright, utanrfkisráðherra Bandaríkjanna, ræðast við í Washington.
HALLDÓR Ásgrímsson utanríkis-
ráðherra sagði í gær að hann hefði
á fundi með Madeleine Albright,
utanríkisráðherra Bandaríkjanna á
mánudag, rætt samskipti íslands
og Bandaríkjanna og brátt færu í
hönd tvíhliða viðræður ríkjanna um
bókun vegna varnarsamningsins.
„Framundan eru svo viðræður
um bókun vegna varnarsamnings-
ins, en samningurinn, sem við gerð-
um 1996 vegna hennar, rennur út á
.(rMæsta ári,“ sagði Halldór. „Ég von-
ast eftir því að þær viðræður eigi
sér stað með jákvæðum hætti.“
Sameiginleg ósk Halldórs og
Albright að flnna lausn
Halldór sagði að á fundi sínum
með Albright hefði komið fram að
það væri sameiginleg ósk þeirra að
fundin yrði lausn á flutningsmálinu.
Halldór og Strobe Talbott, vara-
utanríkisráðherra Bandaríkjanna,
áttu í gærkvöld fund utan dagskrár
þar sem einnig var rætt um flutn-
.iiíiga fyrir varnarliðið.
Halldór sagði skömmu fyrir
brottför frá Bandaríkjunum til ís-
lands í gærkvöld að staðan í við-
ræðunum hefði lítið breyst. Málið
væri flókið, meðal annars vegna
meðferðar fyrir bandarískum dóm-
stólum. Lögfræðingar utanríkis-
ráðuneytisins myndu fara yfir mál-
ið með embættismönnum í banda-
ríska utanríkisráðuneytinu í dag og
ákveðið hefði verið að Halldór og
Talbott myndu ræðast frekar við
síðar í vikunni.
Halldór sagði aðspurður að ekki
væri ákveðið hvenær frumvarp,
sem hann hefur lagt fram um varn-
arsamstarfið og tekur meðal ann-
ars til varnarliðsflutninganna, yrði
að lögum. Utanríkisráðuneytið
myndi fara yfir stöðu málsins í vik-
unni til að meta árangur viðræðn-
anna í Bandaríkjunum. Banda-
ríkjamenn hefðu ekki hafnað því að
flutningarnir fyrir varnarliðið yrðu
boðnir út að nýju í haust, en ekki
fallist á það heldur.
Halldór sagði að því væri ekki að
neita að íslensk stjórnvöld hefðu
fundið fyrir auknum þrýstingi í
þessu máli af hálfu Bandaríkja-
manna: „Aðalatriðið er að það er
okkar skylda og réttur sem sjálf-
stæðs ríkis að setja þá löggjöf sem
við teljum okkur nauðsynlega til að
framfylgja okkar samningum."
Á viðkvæmara stigi en
ástæða er til
Halldór ræddi þessi mál einnig
við yfirmenn í bandaríska sjóhern-
um í heimsókn í höfuðstöðvar flota-
deildar Atlantshafsbandalagsins í
Norfolk í síðustu viku.
Halldór var spurður hvort þessi
mál væru komin á viðkvæmt stig:
„Þau hafa verið á frekar viðkvæmu
stigi,“ svaraði utanríkisráðherra.
„Og raunar á viðkvæmara stigi en
ástæða er til.“
■ Öryggismál/13
Verkfall mjólkurfræð-
inga hefst að óbreyttu
á miðnætti
Mjólkur-
vörur unn-
ar á lager
HJÁ Mjólkurbúi Flóamanna hafa
verið gerðar ráðstafanir vegna yfir-
vofandi verkfalls mjólkurfræðinga
og segir Birgir Guðmundsson
mjólkurbússtjóri undirbúning
vegna hugsanlegs verkfalls hafa
staðið yfir í nokkra daga.
„Við erum að sjálfsögðu búnir að
gera ákveðnar öryggisráðstafanir
og höfum undirbúið okkur svona
eins og hægt er. Við erum búnir að
reyna að vinna ýmsar vörur fyrir-
fram og eigum orðið myndarlegan
lager,“ segir Birgir. Hann segir að
til séu birgðir til tveggja, þriggja
daga umfram það venjulega.
Ef ekki nást samningar við
mjólkurfræðinga hefst verkfall á
miðnætti í kvöld og segir Birgir að
þá muni engin starfsemi fara í gang
í fyrramálið.
Skortur verður á nýmjólk
eftir helgi
„Það er svo eiginlega ekki fyrr
en eftir helgi sem það færi að bera
á einhverjum vöruskorti, fyrst þá á
þessum vörum sem hafa minnst
geymsluþol eins og venjulegri
mjólk. Það er viðlíka um allt land.
Síðan koma sýrðar afurðir, eins og
jógúrtvörurnar allar, skyr og ann-
að. Síðast nóttúrulega það sem
heita G-vörur og vinnsluvörur, eins
og ostar og smjörafurðir."
Birgir segist að sjálfsögðu von-
ast til að samningar náist í tæka
tíð.
„Við erum ekkert vonlausir um
að það náist að semja, en við erum
við öllu búnir,“ segir Birgir.
J7I
Veiðar úr norsk-íslenska sfldarstofninum
Aflaverðmætið
einn milljarður
VEIÐAR úr norsk-íslenska síld-
arstofninum hefjast á föstudag
og hafa nokkur íslensk skip þeg-
ar haldið á miðin í Síldarsmug-
unni svokölluðu austur af land-
inu.
Mörg skipanna sem mega
stunda veiðarnar eru nú á kol-
munnaveiðum í færeysku fisk-
veiðilögsögunni og munu því
ekki byrja síldveiðarnar fyrr en
að þeim veiðum loknum.
Álls hafa 65 skip sótt um leyfi
til veiðanna á þessu ári en ís-
lendingum er heimilt að veiða
rúm 194 þúsund tonn sem er um
8 þúsund tonnum minni kvóti en
í fyrra.
Enn er ekki ljóst hvað ís-
lenskar fiskimjölsverksmiðjur
munu greiða fyrir síldaraflann
en varlega má áætla að verð-
mæti aflans upp úr sjó muni
nema um einum milljarði króna.
■ 65 sóttu um/C2
Fjögur aðildarfélöff VMSÍ/LI felldu kiarasamninginn
Lausnar leitað fram á
nótt hjá sáttasemjara
Morgunblaðið/Kristinn
Þórir Einarsson ríkissáttasemjari og Snær Karlsson, starfsmaður
VMSI, ræðast við í húsnæði ríkissáttasemjara í gær.
FULLTRÚAR þriggja stéttarfé-
laga af fjórum innan vébanda
Verkamannasambands íslands og
Landssambands iðnaðarmanna,
sem fellt hafa gerðan kjarasamn-
ing, sátu í gær og fram á nótt á rök-
stólum við fulltrúa Samtaka at-
vinnulífsins hjá ríkissáttasemjara í
gær, en náist ekki samningar hefst
verkfall á miðnætti í nótt.
Stéttarfélögin þrjú eru Samstaða
á Blönduósi og Verkalýðsfélagið
Fram og Verkakvennafélagið Aldan
á Sauðárkróki. Fjórða stéttarfélag-
ið sem felldi var Verkalýðsfélag Öx-
arfjarðar og á það ekki viðsemjend-
ur innan Samtaka atvinnulífsins.
Þórir Einarsson ríkissáttasemjari
sagði í gærkvöld, þegar enn var sól-
arhringur til stefnu, ekki hafa borið
á góma hvort fresta ætti verkfalli
til að gefa frekari tíma til viðræðna.
„Það er verið að tala saman núna
og athuga hvort hægt er að finna
einhvem flöt til þess að leysa deil-
una og koma einhverju saman, sem
menn geta sæst á,“ sagði hann og
bætti við að ráðgert væri að sitja
við „eitthvað inn í kvöldið eða nótt-
ina“.
Þórir kvaðst hvorki vera bjart-
sýnn né svartsýnn. Viðræður hefðu
hafist síðdegis í gær og verið væri
að kanna viðhorf samningsaðila, en
það kæmi í Ijós á næstu tímum
hvort lausn fyndist.
Alls greiddu 38 aðildarfélög
VMSÍ-LI atkvæði um samningana
og samþykktu því 34.
■ Niðurstaða talningar/11