Morgunblaðið - 03.05.2000, Blaðsíða 69

4
MORGUNBLAÐIÐ
MIÐVIKUDAGUR 3. MAÍ 2000 69
HESTAR
I
Morgunblaðið/Valdimar Kristinsson

til verndar
litföróttu
SÁ mikli áhugamaður um hestaliti
og sér í lagi verndun litförótta af-
brigðisins, Páll Imsland, hefur nú
haft forgöngu um að stofnað verði
félagsskapur til eflingar og vernd-
ar þessa einstaka litarafbrigðis í ís-
lenskum hrossum. Á föstudaginn 5.
maí verður haldinn stofnfundur fé-
lagsins klukkan 17:30 í félagsheim-
ili Fáks á Víðivöllum. Sagði Páll í
samtali við hestaþáttinn að tilgang-
ur með stofnun félagsins væri að
breiða út litföróttan lit í íslenska
hrossastofninum og tryggja tilveru
hans til frambúðar. Sagði hann að
liturinn væri eins og sakir standa í
útrýmingarhættu því eftir því sem
best væri vitað væru aðeins til 150
hross með þessum lit. Árangri
væri helst hægt að ná með því að
stuðla að því að litförótt hross
komi fram á kynbótasýningum og í
ýmiskonar keppni og þyrfti því að
bæta sköpulag og reiðhestagæði
hrossa með þessum lit.
Kvaðst Páll nokkuð bjartsýnn á
að þetta tækist því nú þegar væru
til nokkur efnileg hross með þess-
um lit og vildi hann skora á sem
flesta hestamenn, sem áhuga hafa
á málefninu, að leggja því lið með
því að mæta á fundinn ellegar hafi
þeir, sem ekki komast á fundinn,
samband við sig í síma 568 6052 og
geta með því látið skrá sig í félag-
ið.
Þegar Páll var spurður hvort
hann væri sjálfur hestamaður hló
hann við en sagðist ekki vera mik-
ill hestamaður að því leyti til að
hann riði ekki mikið út en hann
ætti þó þrjár hryssur, eina tamda
en tvær ótamdar. Tvær þeirra eru
litföróttar en sú þriðja átti að vera
litförótt en svo reyndist ekki vera.
Hann sagðist ekki hafa haft þær á
húsi í vetur og því ekkert verið um
útreiðar. Fyrir nokkrum árum fór
hann með Ingimar á Jaðri í
óbyggðaferð á hestum ásamt er-
lendum rithöfundi og ljósmyndara
og kvaðst hann aldrei hafa orðið
samur eftir það. Áður hafði hann
kynnst hestum á sínum yngri árum
en út frá þessum túr vaknaði áhugi
hans á hrossalitum.
Vakning
Mikil vakning er meðal hesta-
manna um að tryggja áframhald-
andi tilveru litforótta litarins í ís-
lenska stofninum og verður
stofnað félagskapur um málefnið
á föstudag. Litfari frá Helgadal
sem Leifur Helgason situr á
myndinni, er nú sárt saknað en
hann gaf mjög góða reiðhesta af
sér áður en hann var seldur til
Þýskalands.
Stefnt á kraft-
mikla og hóflega
langa sýningu
REIÐHALLARSYNINGIN sem
haldin verður um helgina verð-
ur að sögn Hjartar Einars-
sonar sýningarstjóra með
nokkuð hefðbundnum hætti en
þó fjölbreytt. „Það verða að
sjálfsögðu sýndir úrvals gæð-
ingar, bæði klárhestar og al-
hliða gæðingar og sömuleiðis
stóðhestar og hryssur með
sömu skiptingu. Þá verða fjöl-
skrúðugar ræktunarbússýning-
ar og má þar nefna að frá
Miðsitju verða sýndir stóðhest-
arnir Keilir, Kveikur, Spuni og
Smiður," sagði Hjörtur og
hann nefndi einnig til sögunn-
ar ræktunarbúin Litlu-Sandvík,
Miðkot, Fjall, Dalbæ og Efri-
Þverá. Þá sagði hann að Hall-
dór Sigurðsson bóndi á Efri-
Þverá kæmi fram í sérstöku at-
riði með með fimm ára dóttur
sinni.
Tveir í einu
Á skeiðsýningu verða tveir
hestar látnir fara í gegnum
höllina í einu en þar á meðal
verða tveir vekringar þeir
Samúel frá Steinnesi sem var
með besta tíma ársins í 150
metra skeiði á síðasta ári að
sögn Hjartar og svo Tópas frá
Sauðárkróki sem á besta tíma
sem náðst hefur í Reiðhöllinni.
Afkvæmasýningar
stóðhesta
Boðið verður upp á tvær af-
kvæmasýningar stóðhesta þar
sem koma fram hópar undan
Gáska frá Hofsstöðum og Oddi
frá Selfossi. Sigurbjörn Bárð-
arson mun sýna tölt eins og
það gerist best á Eiði frá Odd-
hóli og Baldvin Ari Guðlaugs-
son kemur með afkvæmi Kviku
frá Akureyri. Heimsmeistarinn
í tölti, Jóhann R. Skúlason, og
margfaldur íslandsmeistari í
fjórgangi síðustu ára, Ásgeir
Svan Herbertsson, munu sýna
tvo nýja keppnishesta og Is-
landsmeistarinn í fimi, Atli
Guðmundsson, mun koma fram
í sérstöku atriði ásamt Einari
Oder Magnússyni.
Kraftmikil
sýning
Hjörtur sagði að stefnt yrði
að kraftmikilli sýningu en hóf-
lega langri þar sem úrvals
hross yrðu í aðalhlutverki.
Rétt er að vekja athygli á að
sýningarnar verða aðeins tvær,
sú fyrri á föstudag og sú síðari
laugardag en báðar hefjast
þær klukkan 21. Sunnudags-
sýningunni verður sem sagt
sleppt að þessu sinni.

Hestamót um helgina
Leikur tekur
að æsast
Nú tekur leikur heldur að æsast í
mótahaldi hestamanna og fer í
hönd einn annasamasti mánuður
hetsamennskunnar. Má ætla að þar
gildi einu hvort um er að ræða mót
og keppni eða almennar útreiðar. I
dag hefjast fyrstu kynbótadómar
ársins og ber nú svo við að stóð-
hestastöðvarsýningin sem lengst af
hefur verið haldin í Gunnarsholti
hefur verið flutt til Reykjavíkur.
Þessi viðburður hefur verið einn af
hápunktum sýningahaldsins hvert
ár og verður fróðlegt að sjá hvaða
bragur verður á við umskiptin. Á
sýningar undanfarinna ára hafa
mætt á þriðja þúsund manns og
mikill fjöldi hestamanna utan af
landi slegið tvær flugur í einu
höggi og farið um leið á hina árlega
stórsýningu í Reiðhöllinni í Víðidal.
Dómar verða með nokkuð hefð-
bundnum hætti, það er sköpulag
um það bil tíu hrossa metið í senn
og síðan hæfileikarnir í kjölfarið.
Þá verða í fyrsta skipti teknar inn í
meðaleinkunnir atriði eins og fet og
prúðleiki. Fetið reiknast inn í hæfi-
leika en prúðleiki í sköpulagseink-
unn. Þá verður vilji og geðslag haft
í einni einkunn í stað tveggja áður.
Hrossin verða dæmd í dag og á
morgun fimmtudag en yfirlitssýn-
ing hefst klukkan 13 á föstudag og
kl. 14 á laugardag verður svo aðal-
sýningin þar sem dómum verður
lýst og verðlaun afhent. Ætla má
að margir muni fylgjast með þess-
um dómum af miklum áhuga til að
sjá stóran hluta af þeim stóðhest-
um sem reynt verður að koma inn á
landsmót. Yfir 80 hross eru skráð
og er megnið af þeim stóðhestar.
Tvö félög verða með mót um
helgina. í Hafnarfirði verða félagar
í Sörla með sína firmakeppni en
Sleipnir á Selfossi og nágrenni
verða með sitt árlega íþróttamót.

Ráðstefna um
framtíðarborgina
Reykjavíkurborg býbur til rábstefnunnar Farsæld og fánýti.
Fjallab verbur um bre)d:ta heimsmynd í kjölfar
alþjóbavæbingar, lífsstfl og sibferbilegt verbmætamat,
markabshyggju og samneyslu. Jafnframt verbur velt vöngum
yfir verbmætamati Reykvíkinga næstu tvo áratugi.
Rábstefnan verbur haldin í Rábhúsi Reykjavíkur í dag
3. maí kl. 18:00-20:00. Hressing á stabnum.
Frummælendur:
Jón Ólafsson, heimspekingur
Hansína B. Einarsdóttir, forstjóri
Andri Snær Magnason, rithöfundur
Elísabet Þorgeirsdóttir, ritstjóri
Pallborb:
Ámi Björnsson, fyrrverandi yfirlæknir
Kristbjörg Kristmundsdóttir, jógakennari
Sr. Hjörtur Magni Jóhannsson, prestur Fríkirkjunnar
Kristján Kristjánsson, KK tónlistarmabur
r- .

Reykjavíkurborg þakkar eftirtöldum fyrirtækjum sem kosta útsendinguna:
EIMSKIP fSTAK
m m
ISLENSK
ERFÐAGREININC
LANDS tÍMINN
nsaran