Skírnir - 01.12.1905, Qupperneq 12

300
Trú og sannanir.
Eftir Lúkasar guðspjalli hafa konurnar yerið margar r
þrjár konur þær, er með Jesú höfðu komið úr Galíleu, og
nokkurar aðrar konur með þeim. Þær verða einskis
landskjálfta varar, svo að frá sé skýrt, og steininum heflr
verið velt frá gröfinni, þegar þær koma þangað. Þær
fara inn í gröfina, og finna líkið þar ekki. En meðan
þær voi'u að furða sig á þessu, sjá þær, að tveir menn
standa hjá þeim í skínandi klæðum. Þeir yrða á konurn-
ar, en minnast ekkert á það, að lærisveinarnir eigi að
fara til Galíleu, til þess að fá að sjá Jesúm. Konurnar
fara til lærisveinanna og færa þeim fregnina. Ekki er
einu orði á það minst, að nokkur þeirra hafi orðið nokk-
urs vör á leiðinni. Eftir þessari frásögn birtist Jesús fyrst
tveimur lærisveinum sínum, sem eru á leið frá Jerúsalem
til Emaus, sjálfsagt þeim sömu, sem Markús segir, að hafi
ætlað út á landsbygðina. En Lúkas getur ekkert um
«annarlega mynd« á honum, heldur segir, að augu þeirra
hafi verið svo haldin, að þeir þektu hann ekki. Jesús
fór með þeim inn í þorpið Emaus og settist til borðs með
þeim. Og meðan þeir sátu við borðið, opnuðust augu
þeirra, svo að þeir þektu hann. En þá hvarf hann þeim.
Því næst birtist Jesús 11 lærisveinum sinum í Jerú-
salem, talaði við þá og snæddi með þeirn. Síðan fór
hann með þá út til Betaníu og varð þar uppnuminn til
himins. Ekki er með einu orði á það minst í frásögn
Lúkasar, að lærisveinarnir hafi nokkuru sinni séð Jesúm
í Galíleu, og hafi svo verið, þá er þessi frásögn stórkost-
lega ónákvæm og beinlínis röng.
Jóhannesar guðspjalli segist enn annan veg frá. Það
getur ekki um nema eina konu, sem komið hafi til graf-
arinnar um morguninn, Maríu frá Magdölum. Þegar hún
kemur þangað, sér hún, að steinninn hefir verið tekinn
burt. Hún hleypur þá til tveggja lærisveinanna, verður
einskis vör á leiðinni, og segir þeim, að líkið hafi verið
tekið burt úr gröfinni, og hún viti ekki, hvað af því sé
orðið. Lærisveinarnir fara að forvitnast um þetta, sjá, að
líkaminn er horfinn og ekki annað eftir í gröfinni en dúk-