Árbók Hins íslenzka fornleifafélags - 01.01.1923, Qupperneq 82

82
því, og hefur einnig stuðning í framburði; gæti einnig verið rétt,
og krýni þá viðurnefni.
Þrúgsá. í Ólafsmáld Saurbæjarkirkju 1461 (Fbrs. V) og elzta
hluta Sigurðarregisturs (Saurbæjarmáld.) 1525 (Fbrs. IX): Þrjúgsá og
svo einnig (Þrúgsá) í Jb. 1696, en A. M. Strjúgsá, og jörðin optast
nefnd svo síðan Þrúgsá (eða Þrjúgsá) réttara.
Djúpadalur (Stóri Dalur). Djúpidalur eða Djúpadalur er víða í
fornbréfum. A. M. hefur bæði nöfnin Djúpidalur og Stóri Dalur.
Bölverksgerði. A. M. hefur Bölverksgerði eða ölvesgerði. Bærinn
enn almennt nefndur Bölkot, og eru það leifar af hinu forna, rétta
nafni. ölves- líklega búið til, af því að hitt hefur þótt ljótt, en Böl-
verks- og ölvers- (ölves) alllíkt í framburði.
Ongulsstaðahreppur.
Þórisstaðir (Þóroddsstaðir). Þóris- í Fbrs. V, IX (elzta hluta Sig-
urðarregisturs), Þórodds- i Fbrs. IV (1446) og A. M., Þóru- Fbrs. IX
(1532), Jb 1696 Johnsen, 1861 og matsbókinni. Mestar líkur fyrir,
að Þóris- sé upprunalegast, enda líklegra, að úr þvi yrði nútíðar-
myndin Þóru-, sem telja má víst, að sé eingöngu framburðarbreyt-
ing úr því. Þóru- ætti því að falla alveg burtu, en Þórodds- mætti
haldast sem varanafn, samhliða Þóris- sem aðalnafni.
Þrömur (Þröm). Nafnið Þrömur í Fbrs. IV, V, IX, og fram á
þennan tíma er sagt af mörgum »á Þremi», en i nefnifalli er bær-
inn af flestum nefndur Þröm. Réttast að láta bæði nöfnin haldast,
eins og á öðrum samnefndum jörðum (í Húnav.s. og Skagafj.s.), en
Þrömur verður aðalnafnið.
Ilripkelsstaðir. Svo í Víga-Glúrassögu. Rifkelsstaðir latmæli eða
afbökun, sem á að leggjast niður. Alþýðuframburðurinn er Rikkils-
staðir.
Kambur [Hanakambur]. Hanakambur kemur fyrir í Viga-GIúms-
sögu, sama jörð sem nú nefnist Kambur, og hefur Hana fljótt verið
sleppt framan af nafninu.
Rúgsstaðir [Rugstaðir]. í 1861 og matsbókinni er nafn jarðar-
innar Rútsstaðir, en það nafn er auðsæ leiðréttingartilraun, sem við
ekkeit hefur að styðjast. Rúgsstaðir heitir jörðin í Jb. 1696, A. M.
og Johnsen og sem aukanafn í 1861, og er sennilegast, að það nafn
sé einnig einhver afbökun, en það verður samt að haldast, af því
að með vissu fæst ekki annað réttara Nafn jarðarinnar kemur ekki
fyrir nema að eins einu sinni í verulega fornum heimildum, og það
er í skiptabréfl eptir Þorvarð Loptsson á Möðruvöllum 1446 (Fbrs,