Árbók Hins íslenzka fornleifafélags - 01.01.1973, Blaðsíða 1

ÓLAFUR HALLDÓRSSON
LÍKNESKJUSMÍÐ
1 fyrsta bindi af AlfræSi íslenzk, sem kom út í Kaupmannahöfn
1908, hefur Kristian Kálund gefið út texta lítillar skinnbókar í
Árnasafni, AM 194 8vo. Handritið er nú 52 blöð, 14X10.7 sm, en
nokkur blöð hafa týnzt úr því, og víða er það orðið torlæsilegt af
sliti, óhreinindum og fúa. Kafla um heimsaldra lýkur á þessari klausu
(hér með nútímastafsetningu) :
Hinn sétti heimsaldur er frá burð vors herra Jesú Kristi til
dómsdags. En þá er þetta var skrifað var liðið frá hingaðburð-
inum M.CCC.lxxxvij vetur, en það var hinn fyrsti vetur í xvii
tunglöld. In festo Iohannis baverlescensii.1
Og í framhaldi af þessu skrifað með villuletri, sem Kr. Kálund hef-
ur ráðið þannig:
En Ölafur prestur Ormsson ritaði í litlustufunni á Geirraðar-
eyri, og hann á alla bókina, nema hann hafi gefið mig nokkr-
um, og veit eg það ekki. Lofast því að lesa mig, en gættu og
stel mér eigi.2
Á bls. 37r er önnur klausa með villuletri, sem Kr. Kálund les þannig:
Brynjólfur Steinraðarson ritaði þetta, og er engu nýtt.3
Brynjólfur þessi hefur samkvæmt athugunum Kr. Kálunds skrifað
fimm blaðsíður í handritinu, bl. 34v—36v, en að öðru leyti er það
með hendi séra Ólafs.4 Ólafur prestur Ormsson á Geirröðareyri (nú
Narfeyri) er óþekktur af öðrum heimildum, en líklegt er að Brynj-
ólfur Steinröðarson sé sá hinn sami sem sagt er að hafi sett sitt
innsigli, ásamt ýmsum fyrirmönnum landsins, undir hyllingarbréf
Eiríks af Pommern, sem var gert á Þingvöllum 1. júlí 1419.5 Ef
svo er, hefur hann verið ungur maður þegar hann skrifaði í þetta
handrit.