Árbók Hins íslenzka fornleifafélags - 01.01.1973, Blaðsíða 156
156
ÁRBÓK FORNLEIFAFÉLAGSINS
Súðin, sem endurnýja þurfti að miklu leyti, var þó máluð hvít í
stað þess, að hún var blá áður, en þessi litur þótti mundu fara betur.
Þá var handriðið á sönglofti, sem var spjaldsett áður, endurnýjað
og settir í pílárar eftir pílárunum í grátunum, en gamla handriðið
þó geymt. Söngloftið í kirkjunni er ekki upphaflegt. — Kirkjan var
máluð eins og áður var, og tókst það með ágætum, en að utan er
kirkjan ómáluð, aðeins varin með fúavarnarefni, nema hvað glugg-
ar og hurð er hvítmálað. Er kirkjan einkarfalleg á að líta, grá og
veðurbarin.
I kirkjunni er gamla altaristaflan, eftir Jón Hallgrímsson í Kast-
hvammi í Laxárdal, en altarisstjakar eru fengnir að láni frá Þjóð-
minjasafninu. Altarisklæði er nýtt, en gert eftir hinu gamla, og
gamlan ljósahjálm, frá 17. öld, sem fyrrum var í kirkjunni í Fjör-
unni, fékk hún frá Akureyrarkirkju. Notkun rafljósa er í hóf stillt
í kirkjunni. — Kirkjuklukkur eru á gafli, önnur þeirra fylgdi með
kirkjunni en hin gamla klukkan er í nýju Svalbarðskirkju. Á móti
fékk kirkjan klukku frá Myrká, sem hafði verið þar í kirkjunni.
Nokkur viðgerð var gerð á Hofskirkju í öræfum og sá Gunnar
Bjarnason um það verk. Endurnýjaði hann þilin að nokkru og lag-
aði dyraumbúnað, svo og þekjuna, sem farin var að leka.
1 Selinu í Skaftafelli var ekkert unnið þetta árið vegna ýmissa
atvika.
Á Burstarfelli var gerð nokkur lagfæring, og sá Einar Gunnlaugs-
son um það verk.
Viðgerð Auðkúlukirkju miðar allvel, og vantaði ekki nema herzlu-
muninn á, að henni væri lokið. Eftir er málningarvinna og ýmiss
konar minni háttar frágangur.
Um haustið var lokið viðgerð Kirkjuvogskirkju í Höfnum og var
endurreisn hennar lýst við guðsþjónustu, að viðstöddum biskupi ís-
lands 10. des., sama dag og Svalbarðskirkjan gamla var endurvígð.
Þykir endursmíðin hafa tekizt mjög vel, en endurnýja varð mun meira
en talið var að þyrfti í upphafi. Er nú að kalla ekkert upphaflegt í
kirkjunni neðan við bita, en þó heldur hún sínum svip að mestu leyti.
Risið á kórnum, en hann er nokkru yngri en kirkjan, var hækkað
til samræmis við ris kirkjunnar og turnsins, gluggar voru smíð-
aðir ferhyrndir, eins og þeir voru í upphafi, í stað nýrri bogadreg-
inna glugga. Að utan er kirkjan klædd standklæðningu og svart-
máluð, en þak rauðmálað.
Hið innra er kirkjan klædd spónaplötum, en ekki reyndist unnt
að nota neitt af gömlu spjaldklæðningunni, sem eyðilagzt hafði.