Árbók Hins íslenzka fornleifafélags - 01.01.1973, Blaðsíða 150

150
ÁRBÓK FORNLEIFAFÉLAGSINS
Sýningar og aösólcn.
Opnunartími safnsins var hinn sami og að undanförnu, á hverjum
degi yfir sumarið frá miðjum maí til miðs september, frá kl. 13,30
—16.00, en annan hvorn dag yfir vetrarmánuðina á sama tíma.
Nokkuð er alltaf um það, að hópar og einstaklingar skoði safnið utan
hins eiginlega sýningartíma, og hlýtur í rauninni að reka að því,
að lengja verði hinn daglega sýningartíma, einkum vegna fjölgunar
ferðamanna.
Skráðir safngestir á árinu urðu 41.500, en ekki eru tölur um alla
þá, sem skoða safnið utan sýningartíma, þannig að raunveruleg tala
safngesta er nokkru hærri.
Reglulegar skólaheimsóknir voru aftur teknar upp, og annaðist
Þórir Sigurðsson kennari þær á vegum Fræðsluskrifstofu Reykja-
víkur.
Safnið hafði enga sérsýningu á árinu, en hins vegar tók það þátt
í sýningu Myntsafnarafélags Islands, sem haldin var 8.—16. apríl.
Þetta var fyrsta sýning sinnar tegundar hér á landi og voru þarna
sýndir peningar og minnispeningar, seðlar og heiðurspeningar frá
ýmsum löndum, en einkum frá Islandi og Norðurlöndum. Myntsöfn-
un fer mjög vaxandi, og þótt Myntsafnarafélagið sé ungt að árum
er í því mikill fjöldi félagsmanna. Sýning þessi var mjög fjölsótt
og var gerður að henni góður rómur, þótt hún bæri í ýmsu merki
um frumraun á þessu sviði. Var í þessu sambandi mjög hvatt til að
Þjóðminjasafnið kæmi upp sérstakri sýningardeild fyrir myntir,
en af því mun þó ekki geta orðið fyrr en úr rætist með sýningar-
húsrými.
Sýningar í Bogasal voru þessar á árinu:
Leikfélag Reykjavíkwr, afmælissýning, 11.—23. janúar.
ísleifur Konraðsson, málverkasýning, 29. janúar—6. febrúar.
Bjami Guöjónsson, málverkasýning, 26. febrúar—5. marz.
Siguröur ThorocLcLsen, sýning á vatnslitamyndum, 11.—26. marz.
Myntsafnarafélagiö, myntsýning, 8.—16. apríl.
Jón Gunnarsson, málverkasýning, 22.—30. apríl.
GuÖmunda Andrésdóttir, málverkasýning, 6.—14. maí.
Listahátið, málverkasýning fjögurra listamanna, 4.—15. júní.
Ágúst Petersen, málverkasýning, 21.—29. október.
Helga Weisshappel, málverkasýning, 2.—10. desember.
Þorlákur R. Haldorsen, málverkasýning, 14.—23. desember.