Árbók Hins íslenzka fornleifafélags - 01.01.1991, Qupperneq 73

GUÐMUNDUR ÓLAFSSON, ÞORSTEINN VILHJÁLMSSON
OG ÞÓRIR SIGURÐSSON
FORNLEIFAR
Á SLÓÐUM STJÖRNU-ODDA
Aðdragandi rannsóknar
Eins og fram kemur í næsta kafla eru í íslenskum miðaldahandritum
merkilegar heimildir um Stjörnu-Odda Helgason. Oddi virðist hafa gert
athuganir á sólargangi sem hafa verið frumlegar og athygliverðar miðað
við þann tíma sem hann var uppi. Oddi á að hafa verið vinnumaður á
Múla í Aðaldal og hafa verið sendur út í Flatey á Skjálfanda „á vit fiska".
Síðan í árslok 1987 hefur Þorsteinn Vilhjálmsson, Raunvísindastofnun
Háskólans, unnið að rannsóknum á norrænum vísindum á miðöldum, en
Stjörnu-Oddi er einmitt einn helsti nafngreindi maðurinn sem þar kemur
við sögu. Þótti því áhugavert að kynna sér sérstaklega þær slóðir þar sem
hann á að hafa verið. I þeim tilgangi var gerður út einfaldur leiðangur
dagana 31. júlí - 2. ágúst 1988. Auk Þorsteins voru leiðangursmenn þeir
Þórir Sigurðsson stjarneðlisfræðingur og Björn Þorsteinsson stúdent.
I þessari ferð voru kannaðar aðstæður og litið á sólargang í Múla í Að-
aldal. Síðan var haldið út í Flatey frá Húsavík með báti Sævars Guðbrands-
sonar. Þegar út var komið lituðust menn um í eynni. Benti Sævar okkur
þá á Arnargerði sem er afar athygliverður staður svo sem fram kernur hér
á eftir. Voru teknar rnyndir af staðnum og af sjónhringnum þaðan, og auk
þess gerðar einfaldar mælingar, en leiðangursmenn voru að öðru leyti alls-
endis vanbúnir til að athuga slíkan stað.
f þessari ferð var einnig rætt við gamlan og margfróðan Flateying,
Gunnar Guðmundsson, sem nú er látinn. Meðal annars sagði hann okkur
frá Oddakofa, sem hann kallaði svo, á Flateyjardal. Hann taldi að „þjóð-
minjavörður" hefði einhvern tírnann komið í eyna og litið á Arnargerði,
en ekki hefur tekist að finna þessu stað í gögnum Þjóðminjasafns.
Að loknum leiðangri var haft samband við safnið og síðan stofnað til
samstarfs við Guðmund Ólafsson fornminjavörð um hugsanlega nánari
athugun á Arnargerði. Skyldi hún miða að því að kanna hvort hugsanlegt