Árbók Hins íslenzka fornleifafélags - 01.01.1991, Qupperneq 159

Lög Hins íslenzka fornleifafélags
samþykkt á aðalfundi
5. desember 1991
Verksvið félagsins
1. grein
Tilgangur félagsins er að styðja að því að vernda fornleifar vorar og þjóðminjar, leiða þær
í ljós og auka þekking þjóðar vorrar á þeim og á sögum og siðum feðra vorra.
Félagið lætur sér annt um að fornhelgir staðir og gömul mannvirki og merkileg, er kunna
að finnast hér á landi, fái vernd og verði haldið við eftir föngum.
Að þessu vinnur félagið einkum með því að gefa út tímarit með ritgerðum um þessi efni
og skýrslur um athafnir sínar.
Um rétt félagsmanna
2. grein
Þeir sem ganga í félagið skýra formanni frá því og greiða tillag um leið.
3. grein
Félagar eiga rétt á atkvæði um mál félagsins eftir lögum þessum. Þeir fá ókeypis tímarit
það er félagið gefur út og aðgöngu að heyra fyrirlestra þá er haldnir kunna að verða.
4. grein
Félagsmenn er ekki greiða tillög sín á ákveðnum tíma, mega vænta þess, að þeir fyrir þá
sök verði rækir úr félaginu eftir ákvörðun aðalfundar.
Um stjórn félagsins
5. grein
Stjórn félagsins skipa formaður, skrifaii og féhirðir, ennfremur varaformaður, varaskrifari
og varaféliirðir sem gegna í forföllum.
Embættismenn skal kjósa á aðalfundi félagsins annað hvert ár til tveggja ára. Millibilskosn-
ingar mega fram fara á aðalfundum eða aukafundum, ef brýna nauðsyn ber til þess, og má
þá eigi kjósa menn til lengri tíma en sá átti að gegna er úr gekk.
6. grein
Aðsetur félagsins er í Reykjavík og heldur það aðalfundi sína þar á hverju ári.