Árbók Hins íslenzka fornleifafélags - 01.01.1994, Blaðsíða 31

KLAUSTUREYJ AN Á SUNDUM
35
eru hlaðnir úr torfi og grjóti en má glöggt sjá mun á hleðslutækni. Norður-
veggur stofunnar er hlaðinn úr streng en nýfundnu veggjabrotin úr klömbru-
hnausum.
Hitt veggjabrotið hverfur undir svæði sem eftir er að rannsaka. Það er
tiltölulega heilleg hleðsla en aðeins sést bláhornið á rústinni. A næstu ár-
um er áætlað að skoða órannsakaða svæðið, sem liggur yfir nýfundnu
rústinni. Sumarið 1994 var byrjað á því með opnun á 100 m2 stóru svæði.
Einungis er búið að kanna efstu lög þessa nýopnaða svæðis en þar hefur
gangabærinn verið að koma betur í ljós (3. mynd).
Jarðvegurinn milli veggjabrotanna tveggja í nýfundnu rústinni er mjög
dökkur og leirkenndur. Ekki hefur enn verið komið niður á gólflag í rúst-
inni og raunar er óvíst um hvers konar rúst er að ræða á þessu stigi máls-
ins. Búið er að grafa niður í óhreyfðan jarðveg kringum nýfundnu rústina
og í ljós hefur komið að hún er talsvert niðurgrafin. Gerður var könnunar-
skurður inni í rústinni, sem leiddi í ljós að enn eru u.þ.b. 50 cm ógrafnir
niður á hleðslur. Greinilegt er að þarna eru þykk mannvistarlög ókönnuð.
Meðfram hleðslunum í nýfundnu rústinni og á milli jarðlaga þar hafa
óvenjulega þykkar og liarðar járnútfellingar myndast. I horni rústarinnar
hefur fundist mikið af gjalli en einnig eru þar töluverðar timburleifar. Auk
þess hefur þó nokkuð af textíl-, skelja- og beinaleifum fundist á víð og
dreif um rústabrotin. Eitt beinanna var sent í kolefnisaldursgreiningu
(AMS), sem gaf niðurstöðuna 1348-1390Á Munir, sem fundist hafa í húsa-
brotunum, eru naglar, brýni og fleira þess háttar. I rústinni fannst einnig
nokkuð heillegur skósóli, sem tiltölulega auðvelt er að aldursgreina. Hann
4. mynd. Skósóli (V94-U2), scm fannst viö uppgröftinn í Viðey sumarið 1994. Hann
hefur veriö aldursgreindur til 14. aldar út frá lögun og jaröiagasamhengi. (Teikning:
Steinunn Kristjánsdóttir. Skjalasafn Viöeyjarrannsóknar).