Eimreiðin


Eimreiðin - 01.05.1902, Page 54

Eimreiðin - 01.05.1902, Page 54
134 Viö ræddum um það margsinnin, að við skyldum ganga upp á Hádegishnjúk, þegar við værum orðin stór, og seilast þaðan upp í sólina um miðdegisbilið. Pegar sólin gekk út með fjallabrúnunum á kvöldin, fór hún svo nærri þeim, að auðvelt sýndist, að ná til hennar af Náttmála- nibbu. Og þegar sólin slcein milli skýjanna í suðrinu, og skúraskinið gerðist svo heitt, að okkur ómætti, mændum við út í bláinn og þóttumst sjá inn í guðsríki. Pá lék systir mín við hvern sinn fingur, baðaði út höndum, eins og þegar hálf-fleygur ungi reynir vængjatök. En þegar flugfærin reyndust ónýt, tók hún til fótanna og hoppaði eins og lamb á stekk, meö brekkufífla í barminum og túnsóleyjar í hári. Pannig liðu dagarnir og árin. Systir mín var fermd og líktist hún þá túnbrekku tilsýndar, svo mikill var sóleyja og fíflafjöldinn, sem við hana loddi. Pann dag var hún glöð venju fremur. Hún sat fremst í hringn- um við altarið og hafði glöggar gætur á öfundaraugunum, sem rent var til hennar framan úr kirkjunni. Hins vegar var henni hlýtt í brjósti þennan dag: Presturinn ræddi svo átakanlega um spillingu heimsins, að hún hét guði trúrri þjónustu alla æfi. Presturinn var í augum hennar yfirmaður allra annarra manna á jarðríki, en heimurinn saurigur og syndumspiltur aftan frá syndafalli og fram á dómsdag. Hún gekk heim frá kirkjunni og staðfestingarheiti trúar sinnar í þungum þönkum. Hana langaði til að yfirgefa heiminn og ganga í klaustur, eða gerast trúboði; því öll önnur staða var synd og svívirðing. En eftir ferminguna tók heiðsól hamingjunnar að lækka á lofti. Systir mín hlýddi löngum á mál manna og komst hún þá að því eitt sinni, að jörðin er ekki eins flöt og hún hafði ætlað. Pegar gangnamennirnir komu heim um haustið úr fjárleitunum, sögðust þeir hafa gengið upp á Hádegishnjúk, og kom það þá í ljós, að þeir sáu hærri fjöll fyrir handan hnjúkinn, en hann var, og að þaðan var óravegur til sólarinnar.

x

Eimreiðin

Direct Links

If you want to link to this newspaper/magazine, please use these links:

Link to this newspaper/magazine: Eimreiðin
https://timarit.is/publication/229

Link to this issue:

Link to this page:

Link to this article:

Please do not link directly to images or PDFs on Timarit.is as such URLs may change without warning. Please use the URLs provided above for linking to the website.