Ársrit Ræktunarfélags Norðurlands - 01.01.1948, Qupperneq 60

62
grastegundanna hagstæðara. Til frekari skýringa á þessu,
var sumarið 1933 hafizt handa um að gera sáðmagnstilraun-
ir með grasfræ, og þeim síðan haldið áfram lengst af til 1943,
en áður en greint verður frá þessum tilraunum, skal getið
tilrauna með mismunandi sáðmagn af grasfræi, sem gerð var
á árunum 1913—1915. í tilraun þessari var reynt tvenns
konar sáðmagn af tveimur hreinum grastegundum, háliða-
grasi og vallarfoxgrasi, og af þessum ástæðum getur tilraun
þessi ekki haft verulegt gildi, þegar ræðir um samsettar fræ-
blöndur, auk þess sem tilraunin er einföld og því harla
ónákvæm. (Tafla LVIII).
TAFLA LVIII.
Mismunandi sáömagn af vallarfoxgrasi og háliðagrasi.
(Uppskera í 100 kg heyhestum á ha.)
Vallarfoxgras Háliðagras
Ár 36 kg á ha 48 kg á ha 36 kg á ha 48 kg á ha
1914 36.8 40.0 43.4 40.0
1915 32.0 34.4 36.8 39.2
Meðaltal .. 34.4 37.2 40.1 39.6
Vaxtarauki . 2.8 H-0.5
í sáðmagnstilraunum þeim, er hófust 1933, voru notaðar
tvær mismunandi blöndur: Venjuleg grasfræblanda án
smára og með 50% af hvítsmára. Sáðmagnið var 40, 30 og
20 kg á ha. (Tafla LIX).
Það skal tekið fram, að smáralausi hluti tilraunarinnar
hefur árlega fengið áburð, sem nemur 200 kg af kalksalt-
pétri umfram smárahlutann og lætur þá nærri, að köfnun-
arefnisvinnsla smárans hafi svarað til þessa áburðarmagns.
Árið 1939 er byrjað á nýrri tilraun með mismunandi sáð-