Ársrit Ræktunarfélags Norðurlands - 01.01.1948, Page 185
188
ráðherra, að láta fara fram fjárskipti á svæðinu frá varnar-
girðingunni í Eyjafirði til Héraðsvatna, á næsta hausti.“
7. Kosningar: Eftir fyrstu tillögu allsherjarnefndar ber
að kjósa 2 menn í nefnd. Kosnir voru Stefán Sigurjónsson
og Ketill Guðjónsson.
í stjórn félagsins til næstu þriggja ára var kosinn Björn
Jóhannsson. Jakob Karlsson, sem verið hefur í stjórn sam-
bandsins mörg undanfarin ár, baðst eindregið undan endur-
kosningu.
8. Þá komu fram eftirtaldar tillögur:
a. „Aðalfundur B. S. E., haldinn á Akureyri 28. og 29.
janúar 1949, skorar á Alþingi það, er nú situr, að veita það
mikla fjárhæð til símalagna um sveitir landsins, að til veru-
legra úrbóta geti orðið á næstu árum.“
b. „Aðalfundur B. S. E. skorar á póst- og símamálastjóra,
að halda nú þegar áfram þeim byrjunarframkvæmdum, sem
hafnar eru við að leggja notendasíma um allar sveitir á sam-
bandssvæði B. S. E.“.
c. „Aðalfundur B. S. E., 1949, beinir þeim tilmælum til (
búnaðarþingsfulltrúa sambandsins, að koma á framfæri
þeirri tillögu og áskorun, er samþykkt hefur verið á fund-
inum um símamál á sambandssvæðinu. Væntir fundurinn
þess, að þeir vinni að framgangi málsins á hvern þann hátt,
er þeir telja bezt henta.“
Allar þessar tillögur voru samþykktar í einu hljóði.
Fleira ekki fyrir tekið.
Fundargerð lesin upp og samþykkt.
Fundi slitið.
Ólafur Jónsson.
Ketill S. Guðjónsson. >
Björn Jóhannsson.