Morgunblaðið - 10.05.2001, Qupperneq 1

Reuters
Hermaður í Makedóníu miðar
AK-47 riffli sínum á skotmark í
Kumanovo-héraði í gær.
STÓRSKOTALIÐSSVEITIR hers-
ins í Makedóníu gerðu í gær harða
hríð að landamæraþorpum sem
skæruliðar úr röðum albanska
minnihlutans hafa lagt undir sig.
Ætlunin er að reyna að styrkja rík-
isstjórn landsins með því að fá til liðs
við hana tvo nýja flokka Albana en
einn þeirra á þegar sæti í ríkisstjórn
Ljubcos Georgievskis forsætisráð-
herra. Myndi stjórnin þá hafa meira
en tvo þriðju hluta þingsæta á bak
við sig, gæti breytt stjórnarskránni
og aukið réttindi Albana. Annar af
flokkum Albananna, Flokkur lýð-
ræðislegrar hagsældar (PDP), neit-
aði hins vegar í gær að standa við
samning um stjórnarþátttöku fyrr
en her Makedóníu boðaði einhliða
vopnahlé á næstu dögum.
Alþjóðlegt lögreglulið?
„Við erum sem stendur ósáttir
vegna þess að eitt af skilyrðum okk-
ar var að hætt yrði sprengjuárásum
á Kumanovo-svæðinu,“ sagði
Muhamad Halili, aðalritari PDP,
sem er stærsti flokkur albanska
þjóðarbrotsins. PDP vill ennfremur
að herinn dragi lið sitt frá átaka-
svæðunum og í staðinn komi lög-
reglulið undir alþjóðlegri yfirstjórn.
Talsmenn Flóttamannahjálpar
Sameinuðu þjóðanna, segja að um
7.600 manns hafi flúið frá því að her-
inn hóf sókn sína í norðurhéruðum
landsins fyrir viku.
Heimta
einhliða
vopnahlé
Skopje. Reuters, AFP.
104. TBL. 89. ÁRG. FIMMTUDAGUR 10. MAÍ 2001 PRENTSMIÐJA MORGUNBLAÐSINS
STOFNAÐ 1913
MORGUNBLAÐIÐ 10. MAÍ 2001
LÍK tveggja ísraelskra táningspilta
fundust í helli á Vesturbakkanum í
gær. Grunur leikur á að herskáir Pal-
estínumenn hafi grýtt þá til bana,
hugsanlega í hefndarskyni fyrir lát
fjögurra mánaða gamallar palest-
ínskrar stúlku af völdum sprengju-
brots á mánudag.
Piltarnir, sem báðir voru fjórtán
ára gamlir, hétu Yossi Ishran og Kobi
Mandel, en þeir höfðu báðir nýlega
flust til landnemabyggðar gyðinga í
Tekoa í nágrenni Betlehem. Piltarnir
höfðu skrópað í skólann á þriðjudag
og farið í gönguferð út fyrir byggð-
ina, en lík þeirra fundust illa út leikin
í helli þar í grenndinni í gærmorgun.
Átján Palestínumenn voru hand-
teknir í tengslum við rannsókn máls-
ins í gær. Ísraelskur landnemi var á
þriðjudag myrtur nálægt landnema-
byggð í Itamar á Vesturbakkanum.
Ariel Sharon, forsætisráðherra
Ísraels, sagði í gær að morðin væru
„stigmögnun á hryðjuverkum og of-
beldi af hálfu Palestínumanna gegn
saklausum borgurum“. Sharon viður-
kenndi að palestínskir embættis-
menn hefðu fordæmt morðin.
Skriðdrekar inn
á Gaza-svæðið
Palestínumenn skutu í gær
sprengikúlum á opin svæði við ísr-
aelska þorpið Kfar Azza, nálægt
landamærunum að Gaza-svæðinu.
Ísraelsher svaraði með því að senda
skriðdreka og jarðýtur tvisvar í
skamma stund inn á jaðra Gaza.
Dan Harel, undirhershöfðingi í
Ísraelsher, sagði í gær að loftvarna-
flaugar af gerðinni SA-7 Strela og
önnur vopn sem smyglað væri inn á
svæði Palestínumanna gætu reynst
mjög hættuleg. Væri meðal annars
hægt að nota flaugarnar, sem draga
allt að átta kílómetra, til að skjóta
niður stórar farþegaþotur sem væru
á leið til eða frá Ben Gurion-alþjóða-
flugvellinum.
Fyrr í vikunni tók varðskip flotans
30 tonna fiskibát skammt frá hafn-
arborginni Haifa og reyndist hann
hlaðinn vopnum af ýmsum gerðum.
Var fullyrt að hann hefði verið í
fjórðu ferð sinni til Gaza frá Líbanon.
Einnig álíta Ísraelar að smyglað sé
vopnum með vörubílum frá Jórdaníu
og jafnvel um frumstæð jarðgöng á
landamærum Gaza og Egyptalands.
Tveir ísraelskir
unglingar myrtir
Jerúsalem, Tekoa, Tel Aviv. AFP, AP, Reuters.
AP
Ættingjar annars piltanna, sem voru myrtir, syrgja yfir líkbörunum í Gush Etzion á Vesturbakkanum í gær.
Sharon segir Palestínumenn stigmagna ofbeldið
TALIÐ er að meira en hundrað
manns hafi týnt lífi og hundruð að
auki slasast er til átaka og troðn-
ings kom á knatttspyrnuleik í
Accra, höfuðborg Afríkuríkisins
Ghana, í gærkvöldi. Að sögn út-
varpsstöðvar í borginni trylltust
stuðningsmenn Kumasi Ashanti
Kotoko, liðs sem var að tapa fyrir
liði er nefnist Eikarhjörtun. Stað-
an var 2-1 og fimm mínútur eftir
af leiknum, að sögn fréttavefjar
BBC. Slagsmál hófust milli hópa
stuðningsmanna beggja liða og
rifu óeirðaseggirnir meðal annars
upp sætaraðir á þéttsetnum áhorf-
endapöllunum og fleygðu flöskum
og stólum í andstæðinga sína.
Er lögregla skaut táragas-
sprengjum til að reyna að dreifa
liðsafnaðinum kom fát á fólk sem
flýði í skelfingu og margir tróðust
undir. „Þar sem ég er núna eru að
minnsta kosti 50 eða 60 lík,“ sagði
Asamoah Boateng, embættismaður
á skrifstofu forseta landsins, í
símaviðtali við fréttamann Reut-
ers. Boateng var staddur á her-
sjúkrahúsi í borginni. Útvarps-
fréttamaður sagðist hafa séð yfir
hundrað lík. Fullyrt var að lög-
reglan hefði lokað hliðum að leik-
vanginum og þannig hindrað
áhorfendur í að flýja af vettvangi.
Læknar um allt
landið kallaðir út
Jake Obetsebi-Lamptey, ráð-
herra sem fer með málefni forseta
landsins, sagði að „mikill harm-
leikur,“ hefði orðið. „Margir hafa
dáið og enn fleiri slasast illa.“
Hvatti hann ættingja og vini hinna
slösuðu til að flykkjast ekki á
sjúkrahúsin vegna þess að þeir
gætu með því truflað störf lækna
og hjúkrunarliðs. Upplýsingar
voru óljósar um miðnætti í gær-
kvöldi en læknar voru kallaðir frá
fjarlægum stöðum til starfa á
sjúkrahúsum í Accra vegna at-
burðarins.
Mannskæð átök hafa orðið á
knattspyrnuleikvöngum í nokkrum
Afríkulöndum síðustu vikurnar. Í
apríl fórust 43 manns og 160 slös-
uðust í troðningi sem varð á Ellis-
leikvanginum í Jóhannesarborg í
Suður-Afríku á úrslitaleik milli
tveggja þarlendra knattspyrnuliða.
Mannskæð átök stuðningsmanna liða á knattspyrnuleik í Ghana
Yfir hundrað létu lífið
Accra. AFP, Reuters.
WILLIAM Hague, leiðtogi breska
Íhaldsflokksins, réðst harkalega á
stefnu Tony Blairs forsætisráð-
herra í umræðum á þinginu sem
lauk fundum sínum í gær en kosið
verður 7. júní. Skoraði Hague á
Blair að endurtaka „haldlausa“ yf-
irlýsingu sína úr kosningabarátt-
unni 1997 en þá sagðist Blair styðja
eindregið að Bretar héldu áfram að
nota pundið en tækju ekki upp evr-
una.
„Talaðu skýrt, vertu ærlegur og
viðurkenndu að þú vilt fleygja pund-
inu eins fljótt og þú getur,“ sagði
Hague. Blair hafnar sjónvarpsein-
vígi við Hague og er því líklegt að
umræðurnar verði eina skiptið þar
sem kjósendur eiga þess kost að sjá
leiðtogana kljást fyrir kosningar.
Blair segist í grundvallaratriðum
fylgjandi því að evran verði tekin
upp en aðstæður í efnahagsmálum
verði að vera heppilegar.
Edward Heath, fyrrverandi for-
sætisráðherra úr Íhaldsflokknum
og Evrópusinni, flutti sína síðustu
þingræðu í gær. Notaði hann tæki-
færið til að segja að þegar efnt yrði
til þjóðaratkvæðis um evruna myndi
hann berjast „af hörku“ fyrir henni.
Áhersla á stöðugleika
Verkamannaflokkurinn mun
leggja áherslu á stöðugleika og góð-
an árangur í efnahagsmálum auk
menntamála og nægrar atvinnu.
„Við förum út í þessar kosningar
með nýja ábyrgð og mikinn metnað
fyrir hönd Bretlands,“ sagði Gordon
Brown fjármálaráðherra.
Í nýrri könnun sem birt var í The
Daily Mail í gær fékk flokkur Blairs
51% stuðnings aðspurðra, Íhalds-
flokkurinn 31% og Frjálslyndir
demókratar 13%.
Verkamannaflokkurinn birti í
gær kosningaloforð í fimm liðum.
Er þar meðal annars heitið að halda
verðbólgu og vöxtum á húsnæðis-
lánum eins lágum og unnt verði,
lágmarkslaun verði hækkuð og
ráðnir fleiri kennarar, hjúkrunar-
fræðingar og lögreglumenn. And-
stæðingarnir sögðu í gær að um
væri að ræða svikin loforð frá 1997.
„Þeir meðhöndla kjósendur eins og
bjána,“ sagði íhaldsþingmaðurinn
Tim Collins.
Hague
hampar
pundinu
London. AFP, Reuters, The Daily Telegraph.
FISKVINNSLAN í Færeyjum er
nærri því lömuð og allir flutningar
innan eyjanna liggja niðri eftir að
tvö stór verkalýðsfélög hófu verkfall
í gærmorgun.
Samninganefnd tveggja verka-
lýðsfélaga hafnaði sáttatillögu, sem
var svo til samhljóða samningum
sem nokkrum tímum áður höfðu
tekizt með atvinnurekendum og öðr-
um verkalýðsfélögum í Þórshöfn og
Klakksvík. Samkvæmt þessum
samningum hækkar kaup verka-
fólks á næstu tveimur árum um
11,9%.
Að sögn Ingeborgar Winther, for-
manns Verkamannafélags Færeyja,
er tímakaup verkafólksins „það
lægsta í V-Evrópu“.
Verkfall í
Færeyjum
Þórshöfn. Morgunblaðið.
♦ ♦ ♦