Réttur - 01.12.1916, Síða 69

183 -
flokkur á þingi, og að þeir hafa stofnsett eitt stærsta bak-
arahús bæjarins og spornað við hækkun brauðverðs, svo
að þeir hafa sparað borgarbúum — fátækum og ríkum —
óefað nokkur hundruð þúsunda krónur á ári, og auk þess
fyrir ölgerð, kjötverzlun og fl. o. fl.
Stærsta blaðið þeirra (Social-Demokraten) gefur þeim yfir
100,000 kr. ágóða á ári, og hefir yfir 60 þúsund kaupendur,
og kostar þó 13 kr. árgangurinn. En fjöldi kaupendanna
er alls ekki ríkari en við erum flestir. — Eg hefi nú í 25
ár keypt og lesið útlend blöð og rit jafnaðarmanna, og
varið til þess alt að 20 krónum árlega. Pað er tæplega
mögulegt að lesa árum saman þau rit án þess að sárna
svo niðurlægingin, að maður hlýtur að verða félagslyndur,
og reyna það sem unt er til þess að færa menn saman.
Frá minni hendi get eg nú ekki bent á nema ofurlítið
af góðum vilja. Og það vita margir góðir menn í þessu
félagi, að eg hefi boðið fram þá litlu fræðslu, sem eg gat
veitt, ef menn hefðu séð sér gagn að því að þiggja það.
Af því það er sannfæring mín að fræðslan og þekkingin
konii ykkur upp á samtaka- og sigurbrautina. Pessi sann-
færing mín er orsök í því að eg stend hér í kveld. — Sann-
færingin um það, að sannleikurinn muni gera ykk-
ur frjálsa. Þeim eina konungi vil eg vinna það, sem
eg vinn.