Réttur - 01.02.1925, Page 19

Rjettur
21
úr marmara mörg af sínum ódauðlegu listaverkum.1) Við
þetta torg tókum við okkur gistingu á óbreyttu gistiliúsi og
höfðum við þar einnig fæði þá daga, sem við dvöldum í
Rómaborg.
Næsta dag var rigning fyrri hiuta dagsins, en síðdegis birti
UPP °g gerði fegursta veður. Við ókum þá með sporvagni
til Pjeturskirkjunnar, langan veg, og vorum við alllengi að
skoða þessa mestu og stórfenglegustu kirkju kristninnar. Að-
gangur að þaki kirkjunnar var bannaður, því að verið var að
syngja sálnamessu í minningu þeirra hermanna, sem fjellu í
stríðinu. Við urðum því að láta okkur nægja, að horfa yfir
Róniaborg af Janiculum-hæðinni, sem er ekki langt frá kirkj-
unni. Þaðan höfðum við hina fegurstu útsjón yfir borgina
og landið umhverfis. Fjallahringurinn er mjög tignarlegur.
í suðri blasa við Albanafjöllin og glampaði á hvítar húsa-
þyrpingar smábæjanna, sem eru þar á víð og dreif utan í
hlíðunum. í norðri sjest Soracte, fjallið, sem Hóras kveður
um — og svo sjer yfir Rómavelli (Campagna di Roma), sljett-
lendið milli Rómaborgar og hafsins. í fornöld var það fag-
urt land og fjölbygt, alsett sumarhöllum rómverskra stórhöfð-
ingja og auðmanna. Nú er það að mestu í eyði og næst-
um óbyggilegt vegna malaríuveikinnar, sem liggur þar í landi.
Stórar nautahjarðir hafast nú við á þessum völlum og rása
baulandi kringum rústir af höllum horfinna alda.
Árla dags þaun 10. r.óv. ætluðum við fjelagar að halda
aftur til Pjeturskirkjunnar, en þá frjeftum við, að engir spor-
vagnar gengju, því að verkfall væri hafið. Við nentum ekki
að ganga svo langa leið og vörðuin því deginum til þess,
að skoða rústirnar af hinni fornu Rómaborg: Forum Roma-
num og Colosseum.
Hið fræga rómverska torg (Foruin Romanum), sem forðum
daga var miðstöð lrns rómverska he'msveldis, er nú ötnur-
leg auðn, Hallirnar og goðahoíin, sem lágu í kringum það,
') Langalangamma liöf. og Tliorvaldsen áttu söntu langalanga-
langömmu. Ath. (Ág. H. Bj.)