Réttur - 01.01.1944, Síða 40

44
RÉTTUIl
SJÓMANNARÁÐSTEFNA ALÞÝÐUSAMBANDSINS
Alþýðusambandið boðaði til sjómannaráðstefnu síðastliðið
haust til þess að ræða vandamál fiskimanna og sjómannastéttar-
innar allrar. Ráðstefnan samþykkti margar gagnmerkar ályktanir
um hagsmunamál sjómanna, öryggismál, skipulagsmál stéttarinn-
ar og fleira, og var þátttakan mjög mikil. Ein merkasta samþykkt-
in var um lágmarkslaun fiskimanna, samræmingu á kjörum þeirra
og lágmarkskauptryggingu hlutasjómanna. Hefur Alþýðusambandið
þegar tekið fyrsta skrefið til framkvæmda, þar sem sjómannafé-
lögin hafa auglýst sameiginlegan taxta um kjör skipshafna á bát-
um, sem stunda dragnóta- og bolnvörpuveiðar og er lágmarkskaup-
tryggingin þar merkasta nýmælið.
Þá hefur Alþýðusambandið gert samning um gagnkvæman
stuðning við Farmanna- og fiskimannasambandið.
Á Alþingi hafa þingmenn sósíalista flutt tillögu til þingsályktunar
um tryggingu lágmarkslauna fiskimanna og er hún í samræmi við
ályktanir sjómannaráðstefnunnar. Aðalefni tillögunnar er um skip-
un nefndar til þess að undirbúa:
1. Tryggingarstarfsemi, er sé kostuð með framlögum frá útgerðinni
og ríkinu, til þess að tryggja hlutarfiskimönnum og smáútvegs-
mönnum ákveðin lágmarkslaun.
2. Framlög úr ríkissjóði til þess að tryggja fiskimönnum lágmarks-
laun, þar til tryggingarnar taka til starfa, og reglur um, hvern-
ig greiðslum þessum skuli hagað. Þessu verki skal nefndin hafa
lokið og ríkisstjórnin hafa lagt þær tillögur hennar sem að þvi
lúta, fyrir Aljiingi eigi síðar en 1. maí 1944“
Nefndin skal skipuð þremur mönnum, einum tilnefndum af Al-
Jjýðusambandinu, öðrum af Fiskifélagi Islands og hinum þriðja
skipuðum af ráðherra án tilnefningar.
Það er í beinu framhaldi af Jaeirri hugsun, sem vakti fyrir 6-
manna nefndinni, að nú verði gerð gangskör að því að tryggja
fiskimönnum samhærileg kjör við aðrar atvinnustéttir. En und-
anfarin ár hafa engir borið jafn skarðan hlut frá borði og fiskimenn
í sumum verstöðvum landsins.