Réttur - 01.01.1944, Blaðsíða 62

66
11 É T T U R
THE ECONOMICS OF BARBARISM
(Hagkerfi villiinennskunnar)
heitir bók eftir Jiirgen Kuczynski og M. Wilt og er nýlega komin út.
J. Kuczynski er alkunnur hagfræðingur, sem ritað hefur merkar
bækur bæði um vinnulaunakenningu Marxismans og launakjör
verkalýðs í ýmsum löndum. Bók sú, er fyrr er getið, fjallar hins veg-
ar um hagskipun nazismans — og hina nýju skipan Hitlers í Evrópu.
Er þar flett vægðarlaust ofan af þessari svokölluðu „nýju skipan“ —
og sýnt fram á hið hræðilega arðrán og kúgun, sem nazisminn beitir
undirokaðar þjóðir Evrópu. Nazisminn svífst þar einskis, allt er kúg-
að til að þjóna hernaði og stórveldisdraumum Þýzkalands. Hjóli
þróunarinnar snúið við, iðnaður og atvinnulíf heilla þjóða eyðilagt,
ekkert hugsað uin hvað haganlegt sé alvinnulífi þessara þjóða, þær
gerðar að nýlenduþrælum Þýzkalands — og lönd þeirra mest höfð
sem hráefnanýlendur. Hér er ekki rúm til að rekja þetla nánar, en
þeim sem kann að leika hugur á því skal bent á þessa hók. — Hún
er stutt og skýr og gefur ljósa hugmynd um þessi atriði.
Paul M. Suieezy heitir amerískur hagfræðingur, sem nýlega hefur
gefið út bók um hagfræði marxismans og ber hún titilinn „THE
THEORY OF CAPITALIST DEVELOPMENT". Eru þar raktir
meginþætlir marxistiskrar hagfræði og þeirrar borgaralegu gagn-
rýni, sem komið hefur fram á þeim. En höfundur lætur sér ekki
nægja að rekja aðeins kenningar Marx og útlista þær, heldur ritar
hann mjög rækilega um þróun hringaauðvaldsins alll til síðustu
tíma — og um hagkerfi nazismans. Eru þeir kaflar mjög lærdómsrík-
ir. Þá er og útlistun lians á hinum ýmsu þáttuin í kreppukenningum
Marx mjög fróðleg og ýtarleg. Mun það ekki ofmælt sem enski hag-
fræðingurinn M. Dobb segir um þessa hók, að þetta sé bezta ril um
hagfræði marxismans, sem komið hafi út á síðari árum.
Ásgeir Blöndal Magnússon.