Réttur - 01.01.1949, Síða 49

Jón Rafnsson:
Dufþekja
Dufþekja er sérkennilegt bjarg í Vestmannaeyjum og dregur
nafn af írska þrælnum Dufþak, sem lét þar lifið. — Kvæðið
er tileinkað Hallgrími Brynjólfssyni frá Felli í Mýrdai
Hún minnist við ískaldan aflandsgust
og útnyrðings éljagang,
móti vetrarins blástrum og beljandi hrönn
hún breiðir út hrikalegt fang.
Hennar raunvísa spott
og risaglott
bjóða skuggunum heim, þegar skín í byggðum.
— Og vei þeim sem rata á þann refilstig
að rjúfa þar heimilisfrið,
því svo mæla fróðir að ferlegt tröll
í fjallinu hafist þar við,
enda heyrast þar oft
þegar hrannar loft
í vestrinu, helstunur hrapaðra manna.
Sjá dagarnir fylla ár og öld
hin umliðnu þúsund vor,
þó vætlar þar ennþá varg-elt blóð
um Vestmannsins örlagaspor.