Réttur - 01.01.1951, Síða 40

40
RÉTTUR
Frá stöðuvötnunum munu liggja skurðir og leiðslur út í eyði-
mörkina til þess að vökva akra sem enn eru ekki orðnir til, veita
vatni á engi og beitilönd og til að fullnægja þörfum manna á heim-
ilum sínum, verkstöðvum og verksmiðjum. Þar sem vatnið getur
ekki runnið af sjálfu sér mun það vera knúið áfram af dælum —
því ekki verður neinn skortur á afli.
Þegar vatnið hefur runnið gegnum túrbínur orkuveranna mun
það safnast í dæld nokkura sem líkist skál í lögun, en þar er nú
ekki annað að sjá en sand með hvítum saltskellum á víð og dreif.
Frá þessum stað og alla leið til Ki-asnovotsk verður skurðurinn
skipgengur.
Straumurinn verður varla merkjanlegur, það væri heldur engin
skynsemi í því að láta hið dýrmæta vatn Amú-Darju renna ónotað
út í Kaspíhaf. Á hinni löngu leið sinni frá Tahja-Tasj til Krasn-
ovotsk mun skurðurinn gefa eyðimörkinni hvern dropa af vatni
sínu svo að hún hætti að vera eyðimörk. Og þakklát jörðin mun
launa Sovétþjóðunum ríkulega umhyggju þeirra.
Bezta lang-þráða bómull í heimi verður ræktuð á þessum nýju
áveitulöndum. Túrkmenía mun framleiða 7 eða 8 sinnum meira af
þessum dýrmæta þræði en hún gerir nú. Tvær uppskerur af hveiti
munu fást á ári og hver uppskera verður miklu ríkulegri en í
norðurhéruðunum þar sem er minna sólskin og minni hiti. Fjór-
eða fimmfaldur sláttur af heyi mun fást af flæðiengjunum á
hverju sumri. Og beitilöndin munu nægja fyrir tvisvar eða þrisvar
sinnum fleiri nautgripi en nú er.
Þó að veturnir séu stutttir í þessum héruðum kom það ósjald-
an fyrir hér áður að búsmalinn féll. Harðir byljir gátu komið og
hulið jörðina með þykkri skorpu af snjó og ís svo að hross og
sauðkindur voru bjargarlaus. Samyrkjubúin munu ekki verða
fyrir áföllum í framtíðinni af þessum sökum. Það mun verða
hægt að safna nægum heybirgðum til vetrarins. Hjarðirnar munu
heldur ekki þjást af þorsta í heitum og þurrum sumrum því
marggreint net af skurðum mun liggja um allt beitilandið og
flytja gnægð vatns frá aðal-Túrkmenskurðinum.
í suðvestur Túrkmeníu stöðvast norðanvindarnir á fjallgarði