Réttur - 01.01.1951, Qupperneq 63

RÉTTUR
63
för“. Ég ritaði þá eftir minni þekkingu og sannfæringu,
og ég reyndi til að miðla málum milli okkar og Dana eins
og mér var lagið, en mér varð ekki mikil ánægja að þessu.
Jón Sigurðsson varð fokreiður, Islendingar töluð-u um að
berja mig, og ég var allstaðar útskúfaður. Þá mátti ekkert
koma við alþing og ekkert segja; en þó að ég segði eða
ritaði þessar skoðanir, þá höfðu stjómarblöð verið gefin
út á íslenzku áður t. a. m. Landstíðindin, en enginn reiddist
þeim, þar á móti var sjálfsagt að úthúða mér, ef ég ekki
fylgdi þessum flokki, sem alltaf hafði sett mig allstaðar hjá
og aldrei álitið mig hæfan til neins, og þó hafði ég í þessari
ritgjörð haldið Islandi svo fram, að Dönum líkaði það stór-
illa flestum — ég hafði t. a. m. sagt að þeir mundu aldrei
geta innlimað okkur í Danmörku, en þetta var ein af þeirra
uppáhaldsóskum."
Gröndal skýrir hér eflaust rétt frá ástæðum sínum og auk
þess sýnir þessi frásögn vel andann, sem ríkti meðal hinna
yngri Hafnar-Islendinga. Það lætur að líkum að hinir
rauðari meðal þeirra þættust ekki mega sitja hjá aðgerða-
lausir á þessum æsingatímum, enda stofnuðu þeir stjóm-
málafélag, sem þeir nefndu Atgeirinn. Skjöl þessa félags
munu nú ekki vera -til og á prenti var þess vart eða ekki
getið fyr en löngu eftir að það var liðið undir lok. En í
bréfum frá félagsmönnum má fá nokkra vitneskju um til-
gang þess og starfsemi. Aðaltilgangur þess virðist hafa
verið sá, að halda uppi sókn og vöm fyrir málstað íslands
erlendis, vekja athygli útlendinga á sjálfstæðisbaráttu þess,
ef verða'mætti að Islendingar fengi með því móti banda-
menn gegn Dönum. Meðal stofnenda félagsins vom þessir:
Sigurður Jónsson, frændi og fóstursonur Jóns Sigurðsson-
ar, síðar sýslumaður, Bjöm M. Ólsen síðar prófessor, Skafti
Jósefsson síðar ritstjóri Norðlings og Austra, Björn Jóns-
son síðar ritstjóri og ráðherra og Steingrímur Thorsteins-
son skáld. Síðar munu margir stúdentar, sem komu til há-
skólans, hafa gengið í félagið, t. d. Indriði Einarsson rit-