Réttur - 01.01.1951, Page 104

104
RÉTTUR
sér. Með ráðstöfununum í marz—apríl 1951 ákvað ríkisstjórnin að
hleypa inn í landið ýmiskonar framleiðslu erlendra auðhringa
(rafmagnstækja o. fl. o. fl.), sem reynslan sýndi að hægt var að
framleiða ódýrar á íslandi, en á sama tíma var íslenzkum verk-
smiðjum neitað um nægilegt hráefni, til þess að vinna þessa hluti
úr (t. d. Rafha). Þannig var beinlínis verið að minnka vinnu verka-
manna, eyða erlendum gjaldeyri og veikja íslenzk fyrirtæki, í
þágu hinna erlendu auðhringa. Ríkisstjórnin framkvæmir þannig
þá stefnu amerísks auðvalds að stöðva þróun íslenzks iðnaðar,
eins og iðnaðar annarra smærri þjóða, og drepa hann ef hægt
er. Áður var Marshallstofnun ameríska auðvaldsins búin að sýna
fjandskap sinn við þróun íslenzks landbúnaðar með því að neyða
gengislækkuninni upp á íslendinga og hindra þannig bændur að
mestu í öflun nýrra tækja. Og tilraun gerði hin sama kúgunar-
stofnun til að hindra kaup 10 síðustu nýsköpunartogaranna, með
því að neita um Marshall-lán fyrir þá, þó sú fjandskapartilraun
tækist ekki, af því lán var fengið annarsstaðar. En svo lítilsigldar
eru undirlægjur Ameríkana hér, að þær hafa reynt að breiða
þagnarblæjuna sem bezt yfir þessa neitun herra sinna.
En einkennandi er það fyrir hræsni þá, sem framin er í sam-
bandi við „Marshallhjálpina“, að einmitt þegar mest er talað um
að „hjálpa“ þjóðunum til að standa á eigin fótum, þá er reynt að
hindra að íslendingar afli sér framleiðsutækja og noti þau til fulls,
en hinsvegar erum vér píndir til þess að opna landið fyrir vörum,
sem amerískir auðhringar vilja losna við fyrir okurverð.
5. Verzlunareinokun undir amerískri yfirstjórn. Verzlunarein-
okunin á íslandi hefur á síðustu árum verið sterkasta tæki þeirra
höfðingja tuttugustu aldarinnar, sem draga efnahagsvaldið úr
höndum þjóðarinnar og nota yfirráð sín yfir verzluninni til auð-
söfnunar og einokunarvalda. Hafa þessir innlendu einokunarhöfð-
ingjar þá oftast um leið haft náið samstarf við erlenda auðhringa
um hlutdeild í arðráninu á íslendingum og notað völd sín hér til
til þess að tryggja þessum erlendu auðdrottnum sérréttindi og
forgang að íslenzkum útflutningsvörum og mörkuðum
Innflutningsverzlunin hefur verið einokuð af ríkustu heildsöl-