Réttur - 01.07.1951, Síða 60

204
RÉTTUK
hafði ég' það á tilfinningunni, að sendiráðið hefði í hyggju að neita
mér um vegabréf. En með ýtarlegu samtali við sendiherrann tókst
mér að sannfæra hann um að ég hefði fullan rétt til að fara mínu
fram. Við urðum sammála um að sendiráðið skyldi taka að sér
það óhjákvæmilega hlutverk, að skýra málið fyrir brezka utan-
ríkisráðuneytinu til að losa mig við öll óþægindi og auðvelda mér
að fá hið nauðsynlega brottfararleyfi og rétt til að koma til Eng-
lands aftur . . .
Að þessu loknu var ég tilbúinn að ferðast til Hollands, þar
sem ég átti þriggja daga viðræður við fulltrúa frá I. G. Farben-
industri. Þeir afhentu mér yfirfærsluskilríki fyrir rúmum 2000
erlendum uppgötvunum og framleiðsluleyndarmálum og við gerð-
um allt sem hægt var til að undirbúa fullkomnar áætlanir um
gagnkvæmt samstarf, er staðið gæti styrjöldina á enda, án tillits
til þess hvort Bandaríkin lentu í stríðinu eða ekki.
Við gátum ekki Iokið við að ganga frá ýmsum smærri atriðum,
en vonum að því sem eftir er megi ljúka símleiðis.“
Þetta plagg var eitt þeirra skjala, sem komst í hendur rann-
sóknarnefndar, er skipuð var á styrjaldarárunum til að rannsaka
starfsemi hringanna. Sú nefnd var skipuð af Roosevelt forseta.
Og Bandaríkin lentu í styrjöldina.
Slíkt hlaut vitanlega að valda erfiðleikum. En það tókst furðan-
lega að finna ráð til að yfirvinna þá. Það fyrsta sem annast þurfti
var vitanlega það að grímuklæða samstarfið. Fyrsta skrefið í þá
átt var það, að Standar Oil tilkynnti hátíðlega að það hefði yfir-
tekið hlutabréf I. G. Farben í hinu ameríska dótturfélagi þess
I. G. Corporation og væri það nú hreint amerískt fyrirtæki. Enn
fremur var það látið skipta um nafn. Upplýst var þó síðar, að
með?baksamningum var það tryggt að hinn þýzki hringur skyldi
halda öllum sínum réttindum vegna þeirra uppgötvana, sem hann
hafði látið af hendi.
Peningagreiðslurnar skyldu geymast og safnast fyrir hjá Stand-
ard Oil til að greiðast aftur út að stríðinu loknu.
Þannig gátu þýzku herrarnir í I. G. Farbenhringnum, sem var
stærsti framleiðandi Þýzkalands af flugvélabenzíni núið saman