Réttur - 01.07.1951, Page 76

220
RÉTTUR
Hitler kvaddi 20. febrúar Falkenhorst hershöfðingja á sinn fund
og fól honum að undirbúa og veita forstöðju herferð til Noregs.
Honum fórust orð á þessa leið: „Mér er tjáð, að Englendingar hafi
í hyggju að efna til landgöngu, og ég vil verða fyrri til. Hernám
Noregs af hendi Englendinga yrði örlagaríkur herstöðulegur leik-
ur, er veitti þeim aðgang að Eystrasalti, þar sem við höfum hvorki
heri né virki .... óvinirnir fengju aðstöðu til að sækja til Berlínar
og brjóta hrygginn á vígstöðu okkar.“
Þann 1. marz gaf Hitler út tilskipanir sínar um undirbúning
innrásarinnar. Danmörku skyldi einnig hernema sem stökkpall
í herstöðulegum skilningi og í öryggisskyni vegna flutningaleið-
anna.
Enn var þó ekki um endanlega ákvörðun þess að ræða að láta
til skarar skríða. Gerðarbókin frá fundi Hitlers og Readers sýnir,
að hann tvísteig eftir sem áður milli þeirrar sannfæringar, að
„verndun hlutleysis Noregs væri ákjósanlegust" fyrir Þýzkaland
og óttans við landgöngu Breta í Noregi. Þegar hann þann 9.
marz lagði fram áætlunina að hernaðaraðgerðum flotans varaði
hann við hættunni að leggja til orustu „gegn öllum lögmálum
sjóhernaðar," en benti um leið á hina „knýjandi nauðsyn".
Næstu viku gekk taugaóstyrkur Þjóðverja megin sótthita næst.
Þann 13. marz barst sú frétt, að brezkir kafbátar hefðu safnazt
saman út af suðurströndum Noregs. Þjóðverjar náðu 14. marz loft-
skeyti, þar sem flutningaskipum bandamanna er skipað að vera
albúnum brottsiglingu. Degi síðar kom hópur franskra liðsfor-
ingja til Bergen. Þjóðverjum virtist sem þeir yrðu áreiðanlega of
seinir á sér, þar eð innrásarlið þeirra var enn ekki ferðbúið.
Hvað gerðist í raun réttri bandamanna megin? Daladier krafð-
ist 21. febrúar að Altmarkatburðirnir yrðu notaðir sem átylla
þess „að hernema þegar í stað“ norskar hafnir með „skyndilegum
hernaðaraðgerðum“. Daladier fullyrti: „Réttlæting þess í augum
heimsins verður því léttari, því fyrr sem í þessar aðgerðir er ráð-
izt, og því meir sem áróður vor getur fært sér í nyt minninguna
um meðsekt Noregs í Altmark-atburðunum". (Afstaða Daladiers
var furðu lík afstö^u Hitlers). Þessum tillögum frönsku stjórnar-