Réttur - 01.07.1951, Page 83

RÉTTUR
227
Litlu síðar var þó samþykkt að fresta árásinni á Niðarós, unz
þýzku beitiskipin hefðu fundizt og ráðið hafði verið niðurlögum
þeirra. Meðan þessu fór fram, voru fjögur beitiskip og sjö tund-
urspillar á leið til Bergen, en þegar flugmenn tilkynntu, að í
Bergen væru tvö þýzk beitiskip í stað eins, eins og í fyrstu var
haldið, náði varfærnin yfirhöndinni í flotamálaráðuneytinu og
árásinni var aflýst.
Þegar Þjóðverjar höfðu búið um sig í Noregi, var það vænlegast
til að hrekja þá á brott að hindra aðflutninga vista þeirra og
liðsauka. Það hefði aðeins verið hægt með því að loka siglinga-
leiðinni um Skagerak milli Danmerkur og Noregs. Samt sem áður
kom brátt í ljós, að flotamálaráðuneytið hugðist ekki hætta nema
kafbátum á þær slóðir af ótta við loftárásir Þjóðverja. Sú var-
færni bar vitni skilningi á áhrif flughers á flota, sem flotamála-
ráðuneytið hafði aldrei sýnt árin fyrir stríðið. Ekki verður þetta
sagt til lofs um dómgreind Churchills, þegar hann leitaðist við að
færa út vettvang stríðsins til Norðurlanda. Þar sem ekki var unnt
að loka að gagni aðflutningsleiðum Þjóðverja, gat ekkert komið
í veg fyrir, að þeir gætu byggt upp her í Suður-Noregi og næðu
undirtökunum að lokum.
Ennþá horfði svo sem bjarga mætti Mið-Noregi, ef tækist að
halda varnarlínunum tveim milli fjallanna sem liggja norður
frá Oslófirði og fámennir herflokkar Þjóðverja í Niðarósi yrðu
fljótlega bornir ofurliði. Þetta var markmið Breta. Viku eftir
árás Þjóðverja settu Englendingar lið á land bæði norðan og
sunnan við Þrándheimsfjörð, í Namsósi og Anddalsnesi, sem und-
anfara úrslita áhlaupsins á sjálfan Niðarós.
í kjölfar þessara atburða kom einkennileg keðja óhappa. Hot-
black hershöfðingi, dugandi, hermaður með samtíðar hugmyndir
um hernað, var settur yfir landher þennan, en þegar hann hafði
tekið við fyrirskipunum sínum, fór hann um miðnæturleytið frá
flotamálaráðuneytinu til klúbbs síns. Hann fannst nokkrum
stundum síðar á tröppum húss eins meðvitundarlaus, og hafði
bersýnilega fengið heilablóðfall. Daginn eftir var eftirmaður
hans skipaður og tók hann sér far með flugvél til Scapa Flow,