Náttúrufræðingurinn - 01.06.1968, Blaðsíða 124

236 NÁTTÚRUFRÆÐINGURINN
Sigurður Steihþórsson:
Tvær nýjar C14-aldursákvarðanir á öskulögum
úr Snæfellsjökli
Tvö ljós öskulög úr Snæfellsjökli eru víða áberandi í mýrum á
norðvestanverðu Snæfellsnesi. Öskulög þessi er einnig að finna í
jarðvegi á vestanverðum Vestfjarðakjálkanum. Sumarið 1966 voru
tekin mósýnishorn undan þeim að Fögruhlíð í Fróðárhreppi og
send til geislakolsaldursgreiningar. Greininguna gerði dr. David L.
Thurber í Lamont Geological Observatory, Palisades, N. Y., endur-
gjaldslaust. Niðurstöður hans urðu sem hér segir:
TAFLA I.
Ákvörðun Sýnishorn Alclur í
geislakolsárum
LL-H69A Mór undan efra vikurlagi 1750± 150 (200 e. Kr.)
LL-H69B Mór undan neðra vikurlagi 3960± 100 (201 f. Kr.)
Dr. Thurber og menn hans starfa nú að því að fullkomna nýja
aðferð til aldursgreininga, er byggist á U/Th hlutfalli bergs. (Sjá
t. d. Broecker o. fl., 1967). Honum þótti fengur að því að geta borið
saman aldursgreindan móinn undan öskulögunum og aldur þeirra
sjálfra, en hann hefur nú sýnishorn úr Þjórsárhrauni, en aldur þess
hefur, sem kunnugt er, verið ákvarðaður með C14-aðferð. (Guð-
mundur Kjartansson, 1966). Verður mikill fengur að hinni nýju að-
ferð ef vel tekst til, því að sjaldan hagar svo til, að mór náist undan
hraunlagi.
Ljósu laganna frá Snæfellsjökli gætir aðallega á norðvestanverðu
Snæfellsnesi, eins og fyrr segir. Takmarkar það mjög notagildi þeirra
sem vísilaga (marker horizons) fyrir hraun, sem komin eru upp í