Andvari - 01.08.1961, Qupperneq 24

118
ÞÓRLEIFUR BJARNASON
ANDVAKI
— Það er nú ekki alltaf að treysta því. Þú manst hvemig það var fyrir
austan í fyrra.
— Þeir bjóða manni varla til þess að liggja úti, svaraði liann.
— Við hefðum þurft að komast mikið fyrr af stað, sagði hún.
— Það var ekki mín sök, svaraði hann.
— Nei, ég veit þú kennir mér um það. En þú veizt hvað ég hafði að gera.
Þú varst líka svo lengi óákveðinn, hvort þú færir fljúgandi, vildir það helzt.
— Þú vildir að við færum í bílnum.
— Já, til hvers er maður að eiga nýjan bíl, ef ekki á að nota hann — og
það í svona túra um hásumarið.
— Hitt hefði tekið styttri tíma.
— Einhvern tíma verður þú nú að taka þér hvíld frá öllu þessu argi.
Hann þagði við og sveigði hílinn inn á þrönga brú.
— Veit ekki hvað það er mikil hvíld að aka bil langa og torfarna vegi,
sagði liann, þegar hann var kominn út á miðja brúna.
— Það er einkennilegt, sagði hún.
— Hvað er einkennilegt? spurði hann eftir nokkra þögn.
— Æ, ég hef svo oft talað um það. Ég ergi þig bara með því að vera að
minnast á það ennþá einu sinni. Ég á við, að þú hefur aldrei viljað fara norður,
alltaf austur, þegar við höfum farið eitthvað í bílnum. Það er eins og þú hatist
við Norðurland.
Hann virtist ekki heyra hvað hún sagði og ók þegjandi áfram góða stund.
— Það er óvíða fallegra en sums staðar á Norðurlandi — kannski hvergi,
sagði hann. En það er langt og tímafrekt að fara þangað og njóta þess.
— Það er ekki lengra fyrir okkur en aðra, sem fara þetta í sumarfríi sínu.
— Ég hef sagt þér, að það er ekkert frí fyrir mig að aka bíl dag eftir dag
langar leiðir, þess vegna vil ég heldur fara styttra og njóta þess, sem ég sé.
Hún var uppgefin að ræða um þetta, hafði svo oft áður minnzt á það,
án þess að fá viðunanleg svör.
— Hvenær átti þetta að byrja? spurði hún eftir nokkra þögn.
— Llm sexleytið — það stendur á boðskortinu.
— Og þú heldur að þú verðir kominn fyrir þann tíma?
— Ef ekkert kemur fyrir.
— En það getur alltaf eitthvað komið fyrir. Við hefðum haft nægan tíma,
ef þetta hefði ekki dottið í bílinn. Það tafði okkur allt að tveim tímum.
— Benzínstífla getur alltaf komið, þótt bíllinn sé nýr. En nú er hann
alveg laus við liana. Þetta er áreiðanlega í lagi. Við komum nógu snemma.